Oosana 24:22 - Anutuna Ufa

²² Kammeerauqa nammari neeneesee nimuaqummasee marufanoo Abaraqaammana ainainira fasiqa fannoo koorannai auqira qimmusa mi manaaqana aikiki qusamaqaseenoo kafa koorannai auqira isaaqama qaaraqanda asaukuki usamaqaseenoo iramirinoo qinau.

Oosana 24:22 Referans Kwoze

Oosana 24:47

Namaseeqa qinee maaqi qimasee iramiriqa ani akoofa yafee, qunanoo mifa qimaqiminoo qinoo. Qini qikoofa Beetueerafa Naqoorasa Mirikaa nammarisa faiqi maridanoo. Qinee mi ufana iriseeqa koorannai auqira qimmusa usuamaqaseeqa kafa koora isaaqama asaukuki usuamaqeeqa.

Estaana 5:1

Eesta nammarifa qaarammoo faasaana narana auranau. Mifa qaarammoo faasaanasaa kuinna qamunna afisu mareenoo kinna maaqa maru uqusanaki keeqanau. Kinna firaa oosiranaki maruna aaqa oorufinau. Kinna fanno narí siaqasaa ooqu faaqeeidanoo kooqinni afu maqanau.

1 Peetooroo 3:8

Mi ufana atisaa maaqimminoo marifaqa qimannimianaura. Innee Yisuna ufa irimariasa aiqama ainainara moodaa irirafa mariani aiqamausa moodaanaki kai nimuqusa quandaaqa. Innee nariara nariara nikaqaafasaara foora nimuqusidaqa aiqamausa nariara nariara ruaqa. Innee nariara nariara fifimmasee reendeenamasee miqidaqa nariara nariara qimudaoo qimasee narí dadaaqi narí dadaaqiaqa.

Oosana 24:10

Miqi qimaseenoo raudama kinoo Abaraqaammana kammeera, qoosa fooqaana, mina qisauku qara maraseenoo narí uriqararana ainaina amiqirana kai maraseenoo kammeerasaa quqaseenoo mareenoo finau. Abaraqaammana akaqa Naqoorafa Mesopotamia maqusai suani dinni ataaqeenni marunnai ooru finau.

Oosana 24:23

Anee yana araamunee maridanee amanee qini qima qiminnaree. Amanee maasa namu aneenna akoona maaqakina nifiqee munusainaqa faiqaanauree.

Oosana 24:53

Amooqimaseenoo findifinoo qamunna faqa siruaa faqa koora faqa firaa feefauru aqimaru oonisa Reebeeka nammarina aminau. Mifa firaa munnimma aqimaru ainainausa mina afasaana faqa mina anoona faqa niminau.