Oosana 24:12 - Anutuna Ufa

¹² Narí kammeerauqa quqaseenoo mi fasiqafa Yaaweenara innaaru qinoo qinau. Oo Anutu qini uriqararana Abaraqaammana Anutufa anee qini faqa maridana maqee qini dadaaqia. Anee qini uriqararana Abaraqaammana faqa qima afeekaika maqoonafa maqee anoonaikiani.

Oosana 24:12 Referans Kwoze

Oosana 24:27

Oo Anutu Abaraqaammana Anutufa, anee amiqi uqanna miananoo. Anee Abaraqaammana amiqi amiqi imarianafa sia taikeenoo kaqi fidanoo. Karaambaiqa fannoo qini uriqararana atiuqa iannai andeeqasee qifiqee aninoo.

Rafudoo Akarafa 3:15

Anutufa kaifaa maaqi qimaseenoo Mosena qimaminau. Isaraee maqannaasa qimannimia, Karaambaiqa inni ninaakusa mara Anutufa, Abarahaammana faqa Isakeena faqa Yakoboona faqa Anutufa qini diqiqaifaqa innee iannai anidaqa. Anutufa kaifaa Mosena qimaminoo qinau, qini duqu mifa naaru naaru kaqi marinaqa inni faiqi namu ninaiqiqi mara kasooqaqee naaru kambiqainausa misa miqi qimasee qini duqu reefaranoo

Rafudoo Akarafa 3:6

Miqi qimaseenoo Anutufa kaifaa qimaminoo qinau. Qinee ani akoona Anutusa maridaqa. Abarahaammana faqa Isakeena faqa Yakooboona faqa Anutusa maridaqa. Mosefa mi ufana iriseenoo Anutuna qafaanoo qimaseenoo rufiaseenoo oorisaa ititanau.

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Oosana 24:48

Usuamaqaseeqa doorindari maqasaa kummarama fifaqa qeeqa uriqarana Abaraqaammana karaambaiqa Anutuna amooqiqa. Mifa qini qifiqamareenoo andeeqasee qini uriqararana atiuqa iannai murusaifaqa qinee misa niraamuna qeeqa uriqararana amaaku anaaqa marianinnana paquriqa.

Oosana 24:42

Qinee Abaraqaammana mi ufana iriseeqa nammari dikaanda mariqoo ururee maaqi qimasee innaaru qiqa. Oo Karaambaiqa qini uriqararana Abaraqaammana Anutufa mariananoo, qinee auqaunna ainainna anoona kambiqaani.

Firipi 4:6

Inneeqa oosana oosana sarauqira ainainara sia oonumafi irifanoo nimuqusiani, innee Anutunara innaaru qidaqa miqoo kai inneeqa sarauqi maria oosana oosana ainainara innaaruqiaqa. Innaaru qidaqa Anutunara dufi dufi qirana namufaqa innaaru qiaqa.

Mataioo 22:32

Mifa kuqufusa findifi mina faqa marianara maaqi qinau. Qinee Abarahaana faqa Isakeena faqa Yakooboona faqa misa Anutusa qinee marunausa maridaqa. Anutufa sia ooqai misa maaqoo maru kamuqoo misa Anutusa mariafannaqee qinau. Ooqai kuqufusa doo findifiqa Anutuna faqa maqee marianara mi ufana misa Anutusa marunausa maridaqee qinau. Minara Abarahaana faqa Isakeena faqa Yakooboona faqa sia misara kuqiqa mariaafoo qiaqa. Kaqi Anutuna faqa innaarunai maridammiafoo qiaqa. Anutufa sia kuqirausa Anutufa maridanoo. Kaqi mariasa misa Anutufa maridanoo. Innee minara sia fee asaana rumasee irida fee.

Aaquqira Ufa 3:6

Anee aiqama ainaina auqeenanana Yaaeenara ani aaqooki marinana kai auqaa. Miqimmasee finanoo mifa andeeqara aana ani uqafiqaannoo.

Idi Ufa 127:1

Yaaweefa sia maaqa usakaifanoo, usakara saika fannoo anoona siaifa mariqini. Yaaweefa sia maqusasaa ititee marifanoo aufari mari fasiqafa kikiqinoo marida rakisi mari oosanafa sia amanaikiqini.

Idi Ufa 122:6

Yeerusaree maqusa asooaranaki marianifeera innaaruqiaqa. Yeerusaree maqusara rimariasa aiqama ainaina rairaa iani

Idi Ufa 118:25

Oo Yaawee maasa mareeqee amiqira qoo quqaqisaa. Anee qiqama ainaina anoonaikamma qimia.

Idi Ufa 37:5

Anee aneenna marirana nirana Yaaweena amisee mina saqarikammasainanoo mifa maa ainainna ani amiannoo.

Oosana 43:14

Aiqama afeeka faqaa Anutufa dadaaqinanoo mi fasiqafa inniara qimudaoo qiani. Qimudaoo qimaseenoo Beensaminna faqa inni nikaqa moo faqa kafaa nimiani. Qinee qini faiqi namu kakasifanoo doo saina kakasiani.

Oosana 32:9

Miqimmasee Yakooboofa maaqi qimasee innaaru qinau. Oo Anutu, qini qinaakuna Abaraqaammana Anutufa qini qikoona Isakeena Anutufa qini innaaru iria. Karaambaiqa anee qini qima qimiananoo aneenna maqa maaqai aneenna ainainiannai finaqa qinee aiqama ainaina andeeqa aisaanauranoo fee qinau.

Oosana 31:42

Abaraqaammana Anutufa qini qikoona Isakeena Anutufa sia qini dadaaqinanau anee qiniara kaqi samu fua qinaqau qinee kaqi samu fini. Anutufa qini ummaara faqa qini kadaapirirana faqa qiqafamaseenoo eenda eendaki narí ufa irirana ani aminoo.

Oosana 28:13

Karaambaiqa Yakooboona aakaarinni kikiqinoo maridanoo maaqi qimasee qimaminau. Qinee Karaambaiqa maridaqa, ani anaakuna Abaraqaamana Anutusa maridaqa, ani akoona Isakeena faqa Anutusa maridaqa. Qinee maa maqa maaqana anee faiqaannana ani faqa ani aiku asauku faqa nimianaura.

Oosana 27:20

Miqi qufanoo Isakeefa qinau. Oo qini qimaaku anee naqaa fee maseenanee kai kaqi paqurinanee qufanoo Yakoobofa qinau. Karaambaiqa ani Anutufa qini dadaaqi paqurimma qiminoo.

Oosana 27:10

Munu aminano namaseenoo narí afaaqooqa amiseenoo kuquani.

Oosana 15:1

Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.

Oosana 24:21

Kammeerauqa nammari nimi marufanoo Abaraqaammana ainainira fasiqa fannoo ireeda kai kasooinoo maridanoo qafaidanoo maaqi qimirinau. Doo fee Yaaweefa qinee kisaaqasaa anunnanara anoonai kidanoo fee.

Oosana 32:10

Oo Anutu anee qini amiqi amiqimma qisarana faqa ani mapukira dadaaqiranara faqa irunanoo uriqaraifaqa qinee oorudupiqa maridaqa. Qinee ooqai Yooradanna nammari qeeqa saunu kai uqirausa taqaqiafana doo maqee qinee qaaraki rainarausa faqa anidaqa.