Oosana 23:7 - Anutuna Ufa

⁷ Miqi qufanoo Abaraqaammafa misa noorinni kumma ramafinoo qimanniminoo qinau.

Oosana 23:7 Referans Kwoze

1 Peetooroo 3:8

Mi ufana atisaa maaqimminoo marifaqa qimannimianaura. Innee Yisuna ufa irimariasa aiqama ainainara moodaa irirafa mariani aiqamausa moodaanaki kai nimuqusa quandaaqa. Innee nariara nariara nikaqaafasaara foora nimuqusidaqa aiqamausa nariara nariara ruaqa. Innee nariara nariara fifimmasee reendeenamasee miqidaqa nariara nariara qimudaoo qimasee narí dadaaqi narí dadaaqiaqa.

Heeburu 12:14

Innee aiqamausa mariasa namufaqa amiqimmandee asooaranaki marirana amaniaqa. Inni mariranakina amiqirafa andeeqarafa kai mariaqa. Sia miqiqa karaambaiqa sia qafeefaranoo.

Aaquqira Ufa 18:24

Moomoosa aqoondiki marinafa sia kisaaqasaa mi aqoondikirafa mariannoo. Moodaa moodaa amiqira aqoondi afaaqasaa aqoondi marifa mi fasiqana mi amiqira aqoondina oosana fannoo narí moodaa fidika faqa amiqi marina arusee uraaqaranoo maridanoo.

Oosana 19:1

Abaraqaammafa muqunnisoo qangirooqanda Soodoomma maqusai ooquree maqusa kooqiki qafoofanoo Rootafa miqoo ooqu faaqee marinau. Maridanoo Rootafa miqanda nindafeenoo maqeenoo oonu miqanda noorinni oorindari maqasaa rupaitama fufanoo maaqi qimasee qimanniminau.

Oosana 18:2

Ooqufaaqee marufaqa faiqí qaaramoo namu anufanoo Abaraqaammafa niqafamaseenoo nári oosana mareenoo findimeeqeenoo misa anuqoo sandee oonureenoo oorindari maqasaa kummarama finoo qimanniminoo qinau.

Oosana 10:15

Kannaana faiqi namu nuqu maaqimminoo marinau. Indaaruqaafa Sidoonafa marinau. Mina aanaaqiannaafa Heetafa marinau. Miqanda nári ninaakusa nuqu marasee mariqau.

Oosana 23:6

Anee maasa ufa iria, maasa ani qafaunana anee afeeka rakisirafa marianafa mariananoo. Aneenna anaaqa maasa amiqira madikaki akundaa. Maasa aiqamausa mi madikanaki akundaranara asasidaqa.

Oosana 23:8

Innee eedoo qiafaqa amanee innee Eefaroona, Sooqarana amaaku iramirifanoo inni nifusaa Makapeera maqa maaqaki narí anaadoo atinni ooni aamara marina qiminaqa feefauru amiseeqee mi maqa maaqana qeeqaindi kammasee qeeqa qiku qisauku nikundee marianauree.

Oosana 23:12

Miqi qufanoo Abaraqaammafa Qeetana aiku asauku noorinni kumma ramafinoo Eefaroona aiqamausa iriaqeera firaaqoo qimaminoo qinau.

Oosana 48:12

Miqi qimasoofanoo Yooseefaafa narí akoona afundana saaqaraana narí faiqi qara qumareeqeenoo narí akoona afunni oorindari maqasaa aqufinau.