Oosana 23:4 - Anutuna Ufa

⁴ Qinee moo maqannaasa inni qambaana ani maridaqa. Amanee qini maqa moo qimifaqa feefauru nimiseeqa qeeqa qinaaqa minaki akundaanauree.

Oosana 23:4 Referans Kwoze

Heeburu 11:9

Abarahaamafa miqooqari aanaamuruara foora Anutufa qima afeekaikammaqoo maqa maaqanaki oonu marinau, Anutunasaa irirana rusiranannai kai miqinau. Narí maaqa uqanna ooqai maruna maaqa uqannaki marinau. Mi maqa maaqana minnisee fuka maqasaa narí faqa Yakooboona faqa Isakeena faqa uqiqaana maaqaki kai marusa mariqau. Aandau apatannai auqira uqiqaana maqaki mariqau. Miqanda faqa Anutuna qima afeekaikirana maree marusa mariqau. Miqanda faqa Anutuna qima afeekaikira ufa irisee mariqau.

Oosana 17:8

Anee asaqiraa faira foora maa maqanasaa mariannana qinee ani faqa ani asaifaqausa faqa nimianaura. Nimiananoo aiqama Kannaana maqa maaqa fannoo ani asaifaqausaindi kamminoo naaru naaru marinaqa qinee misa Anutusa marianaura.

Idi Ufa 119:19

Qinee maa maqanasaa qusasaa marianauranoo. Sia aneenna sanda ufa qini kukeeqa qimaqaa.

Idi Ufa 39:12

Oo Yaawee qini innaaru qirana iria. Qini dadaaqianneera aaraunnana aaqoo rammatinimmasee irisee qini dadaaqia. Qinee ani dadaaqiranara qiki raqaidaqa nammeera qianana dadaaqia. Qinee qusasaa maa maqanasaa ani faqa mariqa, qeeqa qikeeku qikaaku naanna reeqa qusasaa kai maridaqa.

Oosana 49:30

Kannaana maqa maaqaki Makapeera maqusa Mamareena maqusa suani afu oosana qaanai maridanoo. Abaraqaammafa Eefaroonafa unnai mi maqana feefaurummaseenoo nikundanau.

1 Peetooroo 2:11

Oo qini qiqoondiuqa, qinee Peetooroosa qeeqa qimuqusa ookiqari naamua qidaqa. Innee Yisunara irimariasa maa maqa maaqanaki maridaqa aanaamuruara foora asaqiraafaira foora mariafanoo. Miqiqa maridaqa maaqoo faiqí faiqi manda nidimari ainainafa inniara qini maraaqee qinaqa sia eedoo qimasee mina maraaqa. Mi manda ainainausa inni maraquna arimarifa maridanoo innee moo maqannaasara foora mariafanoo sia maraaqa.

Oosana 50:13

Misa nári nikoona qiri mara maree Kannaana maqa maaqai ooruree Makapeeraa maqa maaqaki Mamaree maqusa suani oosana qaannai marufaqa miqoo ooni aamaraki akundaqau. Qeeta maqanaa fasiqa mina auqu Eefaroona Abaraqaammafa feefauru maqoonaki quqaqau.

Oosana 47:9

Qinee 130 aukuana kai maa maqanasaa maridaqa. Sia kisaaqasaa fau qinee moomoo ummaara paquriqa. Qini qikeeku qikaaku kisaaqasaa uqanna mariqau. Misa aukuana fannoo qini aukuana fiaaqaranoo maridanoo.

Oosana 3:19

Anee tooqaamu arimarinana kadaapirumasaidana maa maqanasaa narana kambiqasaidana nana fifiinana kuqinana maqaki ani auquafannanaki finnaranoo. Ani maqannai auquqaafanafa marianafa mariananoo. Anee maqa mariananoo kaifaa maqaikamma finnaranoo.

Oosana 23:5

Qeetana aiku asuku irisee Abaraqaammana qimamiqa qiqau.

Rafudoo Akarafa 2:22

Maraseenoo faiqi akoonaiqi maqanau. Maqaseenoo Mosefa narí faiqi auqureenoo qinee aanaamuru maqusaki ani maridee qimaseenoo Keerasoomma nee qinau.