Oosana 22:8 - Anutuna Ufa

⁸ Abaraqaammafa maaqi qimasee narí amaaku qimaminau. Anutufa narí kai sipsipa aanaaqi moodaa qiminaqa tatufirana suqamianaura. Miqi qimaseeqa miqanda moodaanaki ooru fiqau.

Oosana 22:8 Referans Kwoze

Yoohanee 1:36

Aiqaroofanoo Yoohaneefa amiqi mandee aiquqummaseenoo qinau. Innee maana qafaaqa Anutuna aandau aanaaqiara foora qaindasaa maasara kuquaninafa aiqaqaidanoo.

Yoohanee 1:29

Iqaqoofanoo kananaana Yisufa Yoohaneefunnai ooqu fimarufanoo Yoohaneefa qafeenoo narí faqa marusa maaqi qimasee qimanniminoo qinau. Innee qafaaqa maa fasiqafa Anutufa nifaueemari aandau aanaaqi narí qaindasaa kuquaninna aandaufa maasa aiqamausa maa maqanasaaqaraasa mandainaina minannai maraquqiseenoo Anutufa darira ufa ateekaqisaaninafa maridanoo.

Uqafiqoo Ufafa 5:12

Oo sipsipa aanaaqi anee faiqí arunaki reendeenamasee keeqoonafa ani andeeqarafa kai amanaikinoo marinara Anutufa uriqararana faqa ainaina moomoo faqa irirana firaana faqa afeeka faqa auqu uqeerarana faqa areenarana faqa ani amooqirana faqa ani Yisuna amiannoo.

Oosana 18:14

Nana ainainee moo ainaina Yaaweefa sia amana auqaannoo fee mifa amana aiqama ainaina auqaannoo. Qinee anoona ufa qidaqa, moo aukuana maa quqoonnasaa qinee kafaa aniraananoo Saraqa nammarifa akoonaiqi faiqi maqaannoo.

Uqafiqoo Ufafa 13:8

Aiqama maa maqa maaqana afaaqasasa mariasa mi kaasau aandaunara Anutufara foora innaaru qimasee amooqifaranoo. Misa nári nuqu kaqi marifandinausa Yisuna bukaki akara rimariasa misa kai sia amooqifaranoo. Ooqai maa maqa maaqana sia maruqoo Anutuna sipsipa aanaaqi kuquna bukaki nuqu marisa kai sia kaasau aandau amooqifaranoo.

Mataioo 19:26

Yisufa quandafinoo misa nári nindafamasee qimanniminau. Faiqiki maa ainainnafa sia amana maridanoo. Anutufa aiqama ainaina amana marifa maridanoo.

Uqafiqoo Ufafa 7:14

Sia qinee iridaqa anee qimaqimia qiafananoo mifa kooroo qimasee qimaqiminau. Maa fasiqa anaaseesa Anutuna ufamau fimarusa minasaara narirana maree marusa minakiqari amiqimasee ani marusa maridaqa. Misa nári ikairi aanaaqi qamunna sipsipa aanaaqi Yisuna fidikaki nári qamunna nammaruqusee eekara arufifaqa afisusee maridaqa.

Uqafiqoo Ufafa 5:6

Miqi qimasoofaqa qinee qafaafananoo sipsipa aanaaqi fooqaafa Yisufa Anutuna qaarisaa kikiqinoo marufaqa qaara faqa qaara faqa aandau faqa moodaa fasiqa taikasee moo fasiqa qaara faqa qaara faqa marasee uriqarara fasiqauqa faqa Anutuna qaari atiara fiqu fiqu iqa marufaqa qafaafananoo. Sipsipa aanaaqi qambaanai marinau. Mi sipsipa anaaqifa kuqufa kuqiranakiqari findifinoo marufaqa qafaqiafana mina aanai dinni qisauku taikasee dinni ani qaara marasee aanai kambiqanoo marufaqa qafaqiafana mina afu qisauku dinni taikasee dinni ani qaara marasee marufaqa mi afunamusa Anutuna maraquna namu aiqama maqa maaqai Anutufa niqiqoofaqa nimarusa nindafaqiafana.

Oosana 22:7

Aanai ooru fimarufanoo Isakeefa narí akoona aaramaseenoo qinau, Qipoo qufanoo Abaraqaammafa maqi qimasee qinau. Nanaree qidanee qufanoo Isakeefa qinau. Qinee qafaunana anee idati faqa ida rumbarana faqa maree fimarinanoo, yaafee tatufirana suqeefandinna sipsipafa maridanoo fee.

Oosana 22:9

Miqanda Anutufa qimaqoo aaqannasaa ooru reeqa Abaraqaammafa ooniuqa mareeqee aaku aakummaseenoo ida mina amuaaqa quqaseenoo narí faiqi Isakeena ruumbaseenoo rafusu idasaa rusinau.

Oosana 22:14

Miqooqari Abaraqaammafa mi aaqanna auqu reenoo, Karaambaiqa nimira aaqanee qinau. Minara maqee mindaraasa maaqi qidaqa, Yaaweefa narí aaqanasaa nimidanoo fee qidaqa.