Oosana 22:3 - Anutuna Ufa

³ Miqi qimasoofanoo kananaana findifinoo narí dookisaa ida rufariseenoo minasaa quqaseenoo narí ainaini maru faiqi qanda faqa narí amaaku Isakeena faqa nifiqeenoo findimeeqee Anutufa qimamunnai finau.

Oosana 22:3 Referans Kwoze

Idi Ufa 119:60

Qinee ani naamuaqira ufamau firaree qimasee sia manoo maanaa idaqa kai kaqi idaqa.

Mataioo 10:37

Yafa yafee mina anoona akoonara firaaqoo aididanoo fee qiniara ooreeqara fee qidanoo fee, mifa sia qini qimanasaa, sia amana qini faqa fifaranoo. Yafa yafee mina amaaku faqa araamuna faqa firaaqoo aididanoo fee qiniara ooreeqara fee, mifa faqa sia qini qimanasaa sia amana qini faqa fifaranoo.

Ruka 14:26

Faiqí moo fannoo qini faqa firaree qinna fasiqafa narí anoona akoona faqa faiqi anaasee faqa narí akaqaafasaa faqa asoommaaka faqa nariara faqa fidiaqaa maseenoora foomaseenoo qini faqa aniani.

Karatia 1:16

Anutufa qiniara narí amiqira fasaasa ufa aanaamuru qimannimiannee qimaseenoo Damasakusa maqusai fimariafanna aanasaa narí amaaku qini uqaqifiqanau. Uqaqifiqasoofaqa sia moo fasiqunnai oonureeqa Yisuna aufakiana iriqia, narí amaaku uqaqifiqaannee qimaseenoo sia Yisufa niqiqoo fasiqusakina ooqai marusakina Yeerusareenni sia ooruree iraafanaqa qimaqimiqau. Sia qinee miqi qiafana qinee andeeqasee quandaki Arabia maqa maaqai oonu marikiqa oonu randeeqa anireeqa kafaa Damasakusa maqusai fiqiafana.

Oosana 21:14

Abaraqaammafa mi ufana iriseenoo moo kananaana findifinoo feemu aafaqa faqa aandau apata taquki nammari sakaseenoo Akaara nammarina uqaruma amiseenoo faiqi aakuamaqaseenoo aiqanau. Akaara nammarifa narí amaaku afiqeenoo Beeraseeba maqa maaqaki aadana maqa maaqaki ooqu maridanoo oonuree aniree ida marinau.

Oosana 17:23

Fifufanoo Abaraqaammafa Anutuna ufa mau finoo mi faasaanna kai narí faqa narí amaaku Isamaeerana faqa narí ainainira faiqiuqa faqa narí ainainiranaki marida maqaqoo faiqisa faqa aiqama nifaaqa ati aukinau.

Heeburu 11:8

Abarahaamafa faqa Anutunasaa irirana rusi marufa marinau. Anutufa Abarahaamana aaramaseenoo qimaminau. Anee anirainaqa fuka maqa maaqa anindi kianinnana uqafiqaanaura, anee miqoo fua. Miqi qufanoo Abarahaamafa iriseenoo narí irirana Anutunasaa rusiranannai eedoo qimasee narí maqa maaqa minnisee sia qafee maru maqa maaqanaki kaqimbinau.

Oosana 22:2

Aneenna amaaku Isakeena ani amaaku moodaa, kaaqa amuqusa imariannana afiqeenana Mooria maqa maaqai ooru rainaqa qinee aaqana moo uqafiqaanaura. Anee mi aaqannanasaa aneenna amaaku arusee qini tatufirana suqa qimia.

Oosana 22:4

Qaara afuru aanai fi faiqaqau. Qaaramoo kufanoo Anutufa qimaqoo aaqannafa nianasaa marufanoo qafanau.

Oosana 22:18

Aiqama maqannaasa qiniara ani aiku asauku amiqi amiqimma nimaaqaafanandee masee maasa faqa amiqi amiqimma qimaqaannee qifaranoo. Anee qini aakapara ufa qaindusuannanara miqiqa.