Oosana 22:2 - Anutuna Ufa

² Aneenna amaaku Isakeena ani amaaku moodaa, kaaqa amuqusa imariannana afiqeenana Mooria maqa maaqai ooru rainaqa qinee aaqana moo uqafiqaanaura. Anee mi aaqannanasaa aneenna amaaku arusee qini tatufirana suqa qimia.

Oosana 22:2 Referans Kwoze

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Roomma 8:32

Anutufa sia narí amaakuara irinau kaqi maasara qimudaoo qimasee kuqiranaki quqanau. Mifa narí amaaku uqanna ririmma kaqi qiminau nana ainainee moo ainaina sia qimiannoo, aiqama ainaina kaqi afaarida qimiannoo.

Heeburu 11:17

Anutufa Abarahaamana amanamandee qafaanee qufanoo Abarahaamafa Anutunasaa irirana rusirafa marunara Anutuna ufa iriseenoo eedoo kai qimaseenoo narí moodaa faiqi narí amuqusuqanna Isakeena kaqi rumbaseenoo qaindasaa quqasee arirarufanoo qaoo qinau. Anutufa faiqi ani aiku asauku moo amiraree qima afeekaikamaqoonara Abarahaamana amuna. Sia minara Abarahaamafa amuqusufanoo narí amaaku rafaaqa finau. Kaqi eedoo kai qimasee narí faiqi afiqeenoo arirarinau.

Oosana 22:16

Karaambaiqa aniara maqi qidanoo. Qinee qeeqa duqusaa qima afeekaikammasee qidaqa. Qinee firaaqoo ani amiqimma amaqaanaura. Anee aneenna amaaku moodaa sia qaoo qiannanara qinee miqianaura.

Oosana 17:19

Miqi qufanoo Anutufa qimaminoo qinau. Ani anaaqa Saraqa nammarifa ani faiqi akoonaiqi maqasainana mina auqu Isakee nee qia. (Maasa ufakiqari Isakeena auqu naanaidara qiranee qimaqoofanoo.) Qinee ani faqa moodaanaki kira ufa quqaunafa Isakeenasaa faqa minasaaqari naaru naaru kambiqainausasaa faqa mariannoo.

Oosana 22:12

Sia faiqi arua, sia mandaikamma amaqaa. Sia aneenna asaukukoo aneenna faiqi arua. Doo maqee qinee iridaqa anee Anutuna ufa qaindusidana mina ufa afaqee mariananoo. Anee aneenna amaakuara aneenna amuqusa uqannara sia qaoo qiananoo eedoo kai qiananoo.

Oosana 21:12

Miqufanoo Anutufa Abaraqaammana qimaminoo qinau. Sia faiqi aanaaqi qisanoosara amuqusiani. Anee Saraqa nammarifa qimamindee ia. Isakeena saaqari kai qinee qima afeekaikiafannandee inoo moomoo asumu kambiqeefaranoo.

Roomma 5:8

Yisufa sia maasara amiqirausee qimaseenoo maasa qimaaqa maqaseenoo kuqinau. Maasa qeeqa mandainainaki kaqi mariafananoo asauku mundirafa maasara kuqunnimaqanau. Miqunannai Anutufa narí kaaqa maasara amuqisirana aidirana kooroomaseenoo maasa uqaqifiqanau.

Oosana 8:20

Nooafa rafudamafufanoo karaambaiqa tatufirana suqarara ooni qumareenoo aaku aakummaseenoo Anutuna afusaa anukara aandau faqa ufini faqa maraseenoo muduka Anutuna tatufirana suqa aminau.

Oosana 22:3

Miqi qimasoofanoo kananaana findifinoo narí dookisaa ida rufariseenoo minasaa quqaseenoo narí ainaini maru faiqi qanda faqa narí amaaku Isakeena faqa nifiqeenoo findimeeqee Anutufa qimamunnai finau.

Oosana 22:9

Miqanda Anutufa qimaqoo aaqannasaa ooru reeqa Abaraqaammafa ooniuqa mareeqee aaku aakummaseenoo ida mina amuaaqa quqaseenoo narí faiqi Isakeena ruumbaseenoo rafusu idasaa rusinau.

Oosana 21:3

Maqasoofanoo Abaraqaammafa mina auqu Isakeenee qinau.