Oosana 22:12 - Anutuna Ufa

¹² Sia faiqi arua, sia mandaikamma amaqaa. Sia aneenna asaukukoo aneenna faiqi arua. Doo maqee qinee iridaqa anee Anutuna ufa qaindusidana mina ufa afaqee mariananoo. Anee aneenna amaakuara aneenna amuqusa uqannara sia qaoo qiananoo eedoo kai qiananoo.

Oosana 22:12 Referans Kwoze

Yameesa 2:18

Faiqí anaasee moo fannoo minara qiannoo, anee Yisuna saqarikirana qumaree marianafa mariananoo qinee qisaukunnai Anutuna ufa qumaree marunausa maridaqa. Qinee Yameesasa minara maaqi qidaqa. Qinee naqimasee ani Yisuna saqarikirana qafaanauree asaukunnoo qumararafa sia marinaqa sia qafaanaura. Qinee Yameesasa qeeqa Yisuna saqarikirana qisaukunnai qumararana miqiqa inni uqannifiqaanaura.

Roomma 8:32

Anutufa sia narí amaakuara irinau kaqi maasara qimudaoo qimasee kuqiranaki quqanau. Mifa narí amaaku uqanna ririmma kaqi qiminau nana ainainee moo ainaina sia qimiannoo, aiqama ainaina kaqi afaarida qimiannoo.

1 Koorinti 10:13

Aiqama nimanirafa innisaa aqufinafa aiqama maqannaaki maqee maqee kambiqee mari ainainafa maridanoo. Anutufa minara iridanoo narí dadaaqira ufara kai iriannoo. Iridanoo firaa nimanirafa anireenoo inni urinaaqareenoo rafaaqafinafa anirainanoo Anutufa afeeka niminaqa innee amana mi nimariranaki mari inaqa mina uriaaqaree faranoo. Anutufa ititaseenoo fimariaana uqafiqainana fi ruiqakinana finnaranoo.

Mataioo 19:29

Yafee moo fannoo qini duquara iriseenoo narí maaqa faqa narí akaqaafasaauqa faqa narí asooqmaaka faqa narí anoona akoona faqa narí faiqi faqa narí saqamainaina faqa aiqama minnisainaqa sia mina akiaqara kai amianaura. Fifau faqa amianaura innaarunai naaruara marirana faqa amianaura.

Oosana 26:5

Abaraqaammafa ani akoofa qini sandufa faqa aamuaqira ufa faqa afaqee marunara qinee ani amiqi amiqimma amaqaanaura.

Oosana 22:2

Aneenna amaaku Isakeena ani amaaku moodaa, kaaqa amuqusa imariannana afiqeenana Mooria maqa maaqai ooru rainaqa qinee aaqana moo uqafiqaanaura. Anee mi aaqannanasaa aneenna amaaku arusee qini tatufirana suqa qimia.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Idi Ufa 147:11

Mifa nariara naaquqaifaqa rufiee mariasara aididanoo. Misa nári irirana Yaaweena sia taikaaninna amuqusiranasaa rusimariasa misara aididanoo.

Idi Ufa 25:12

Yaaweenara naaquqee marisa mifa amiqira aanara qimannimiannoo. Qima niminaqa mi mau fifaranoo.

Roomma 5:8

Yisufa sia maasara amiqirausee qimaseenoo maasa qimaaqa maqaseenoo kuqinau. Maasa qeeqa mandainainaki kaqi mariafananoo asauku mundirafa maasara kuqunnimaqanau. Miqunannai Anutufa narí kaaqa maasara amuqisirana aidirana kooroomaseenoo maasa uqaqifiqanau.

2 Koorinti 8:12

Inni munnimma amanaikinaqa nimisainanoo Anutufa narindiara foora dufi dufi qiannoo. Sia amanaikinana aqusainanoo Anutufa sia minara dufi dufi qiannoo. Sia amanaikinana sia aqua.

Aaquqira Ufa 1:7

Anee irirana faqaafa mariraree qimasee Yaaweena ameemaanai maria. Furufari mariasa sia iriranara naaquqaidanoo irirana mararanara faqa nikooqaidanoo.

Idi Ufa 25:14

Yaaweefa mina ufa qaindusi mariasa niqoondi maridanoo. Mifa narí moodaanaki kira ufa qimaqoona kafaa qimannimidanoo.

Rafudoo Akarafa 20:20

Mooseefa iriseenoo qimanniminau. Innee sia rufiaaqa Anutufa inni nimanamasee qafainaqa aiqama kari minara rufiasee mina ameemaanai maridaqa numoo ainaina sia auqaaqeera.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Oosana 20:11

Abaraqaammafa mina iriseenoo maaqi qimasee Abimeereekana qimaminoo qinau. Qinee maaqi qimasee qimiriqa maa maqannaasa sia Anutunara rufiqee mariafaqa qini daruseeqa qini qinaaqa mareefaara qimaseeqa miqi qiqa.

Heeburu 12:28

Doo maasa sia kasira ququsaki maridaqa minara maasa susuia. Maasa minara quandakiqa Anutuna aidiranamau kai narí amooqia. Oori kandamasee rufiaqa rufiaqa qiranannai narí amooqia.

Mataioo 5:16

Innee miqi kai iqa rambi fooqaana niqoonausaki kaaqa qamannimaqaifaqa misa inni andeeqaranara qafamasee quandafinaqa inneeqa innaarunnai nikoonara susuiaqeera.

Idi Ufa 111:10

Irirana faqaafa mariraree qimaseenana Yaaweenara eerairida mina ufa qaindusua. Mina naamuaqira ufara eedoo qimasee mi mau fimariasa mifa andeeqasee rainara oosana nimidanoo. Naaru naaru amooqirafa minaindi mariani.

Idi Ufa 2:11

Innee naaquqee marinaqa Yaaweena ainaina mamaqaaqa.

Idi Ufa 1:6

Yaaweefa andeeqarausa nirana mariranasaa rakisidanoo itita nimaqaidanoo. Manda oosana maree mariasa kuridiranaki maaniki fifaranoo.

Heeburu 11:19

Abarahaamafa sia minara iriseenoo narí faiqiara amuqusinau. Mifa kuqufinanoo Anutufa uqeeraannoommifoo qimaseenoo Anutuna ufamau arirarinau. Doo kuqaa Abarahaamafa narí faiqi Isakeena kuqiranakinaanara foora maranau.

Oosana 42:18

Qaaramoo faasaanasaa marisoofanoo Yooseefaafa maaqi qimasee qima niminau. Qinee Anutunara rufiee marunna fasiqausa maridaqa. Innee qini ufa mau fiqa amiqimmasee marifaranoo.

Uqafiqoo Ufafa 19:5

Miqi qimasoofanoo ufa moo Anutuna qaarisaaqari qufaqa iriqiafana. Aiqama Anutuna ainainimarusa minara rufieemarusa, kaqiqeesa faqa uriqararausa faqa aiqama maasa Anutunara amooqiaqa.

Oosana 22:13

Miqi qufanoo Abaraqaammafa uqeerafinoo qafoofanoo andandaki sipsipa akoona saqari aanaaqiki aanai rutaqusee marufanoo qafanau. Qafamaseenoo Abaraqaammafa narí amaaku amaaqa maqeenoo sipsipa akoona aruseenoo Anutuna tatufirana suqa aminau.

Oosana 22:16

Karaambaiqa aniara maqi qidanoo. Qinee qeeqa duqusaa qima afeekaikammasee qidaqa. Qinee firaaqoo ani amiqimma amaqaanaura. Anee aneenna amaaku moodaa sia qaoo qiannanara qinee miqianaura.