Oosana 21:10 - Anutuna Ufa

¹⁰ Sarari marufanoo Saraqa nammarifa mina qafamaseenoo Abaraqaammana qimaminoo qinau. Maa ainainira manaaqana faqa narí faiqi faqa niiqainaqa fuaqa. Maa anaaseena faiqi fannoo sia ani qumiasana qini faiqi mararee qinnana maraannoo.

Oosana 21:10 Referans Kwoze

Yoohanee 8:35

Faiqí moo fannoo moona ainaina iinoo oosana oosana ainaina narindiara foora iinoo. Kasooqaqee doo ainaini taikaseenoo mi aiqama ainainna narí amiseenoo doo kaqisamu fuannoo. Mi ainainna faqaana faiqi fannoo sia amana taikaannoo kaqi narí akoona amaaku mariannoo kaqi narí akoona amaaqa maqa finoo mina qumiasana maraseenoo sia ainainira faiqi naanna reenoo taikaannoo, kaqi miqoo mariannoo.

1 Yoohanee 2:19

Mi namuqaasa maasaki mariusa rakeemaki namuqaakiqau. Misa maasaki maridaqa sia maasa irirana amiqimasee maroosa marusa. Misa kuqaa maasaindi maridau maasaki kaqi marini. Anutufa maasa dadaaqianee qimasee misa qumeenni niqiqoofaqa maasakiqari rakeemakufaqa fufanoo Anutufa minannoo misa mandoosana kooroo inau.

1 Peetooroo 1:4

Amiqi amiqira ainaina Anutufa narí aiku asauku maasaree qimasee innaarunai rafaaqafimari ainaina maasa mina marararee qidaqa maasa minasaa kai qifu mundusee fidaqa. Mi amiqi amiqira ainainausa Anutufa inniara innaarunai quqaqaqee rakisidanoo sia putaa imariqoo sia nauraanaiki mariqoo sia taikeemariqoo maridanoo inniara rakisidanoo.

Karatia 4:7

Miqinara innee sia maqee fifau ainainira faiqi marifaranoo, innee faiqí faqa anaasee faqa kuqaa Anutuna faiqi araamuqmaakaikammafi mariafanoo. Doo marifanoo narí amaaku amianinnana innaarunai mari saqamana mareefandinausa mariafanoo. Anutufa narí kai qifaqa innee mina amaaku araamuqmaaka mina innaarunai mareefandinausa mariafanoo.

Karatia 3:18

Anutufa Abarahaamanara Kannaa maqa maaqakinaa saqama namufaqa faiqi namufaqa aiku asauku namufaqa amiraree qimasee Anutufa mi maqa maaqa saqamana Abarahaamafa narí sandufamau funara sia irirai ooqai narí qima afeekaikammaqoo iriranasaa narí afaarinoo aminau.

Mataioo 22:13

Minara karaambaiqa fannoo qafamaseenoo aranaqoofanoo quandafinoo narí faiqi namu qimanniminau. Innee sanda qumaree maana aiku asauku ruumbeeqee aqoosai asukunai aquaqa. Aqoosai minni asukunai aqusaifanoo minni ooqumaridanoo iki raqaidanoo afai riqidanoo aupuraidanoo mariani. Aiqama aqoosai mariasa miqi kaimmidaqa.

Oosana 25:19

Moo ufa Abaraqaammana amaaku Isakeena ufa maridanoo.

Oosana 25:6

Amiseenoo narí kaqi maridanoo moo anaasee faiqi namu faqa amiqira ainaina oosana oosana Abaraqaammafa kaqi nimiseenoo Isakeefa maruqooqari suani oosana qaannai maqa maaqai nianai niiqoofaqa mitinai oonu mariqau.

Oosana 22:10

Rusiseenoo musuka qumareenoo narí faiqi kuqa arusaaneera inau.

Oosana 20:11

Abaraqaammafa mina iriseenoo maaqi qimasee Abimeereekana qimaminoo qinau. Qinee maaqi qimasee qimiriqa maa maqannaasa sia Anutunara rufiqee mariafaqa qini daruseeqa qini qinaaqa mareefaara qimaseeqa miqi qiqa.

Oosana 17:21

Moo aukuana maa quqoonnanasaa kai Saraqa nammarifa ani faiqi Isakeena maqannoo. Qinee qeeqa moodaanaki kira ufa minasaa quqaqaana mariannoo.

Oosana 17:19

Miqi qufanoo Anutufa qimaminoo qinau. Ani anaaqa Saraqa nammarifa ani faiqi akoonaiqi maqasainana mina auqu Isakee nee qia. (Maasa ufakiqari Isakeena auqu naanaidara qiranee qimaqoofanoo.) Qinee ani faqa moodaanaki kira ufa quqaunafa Isakeenasaa faqa minasaaqari naaru naaru kambiqainausasaa faqa mariannoo.

Aaquqira Ufa 22:10

Andeeqara oosanara fidiaqaa imari fasiqana mara aqusainanoo aanooqirafa faqa rairai qirafa faqa taikaannoo.