Oosana 21:1 - Anutuna Ufa

¹ Karaambaiqa narí qimaqoondee inoo Saraqa nammarina amiqi amiqimma amaqanau.

Oosana 21:1 Referans Kwoze

Idi Ufa 12:6

Yaaweena qima afeekaikira ufasaa nifaaqa quqee mariafa maridanoo. Mi ufafa amiqira siruaa qisauku dinni taikasee dinni ani qaara marasee 7 kari tisirisiri maqaafara foora kaaqa amiqirafa maridanoo.

Oosana 18:10

Miqi qufanoo misakiqari moo fannoo qinau. Moo aukuana maa quqoonnanasaa kai qinee kafaa aniraananoo ani anaaqa Saraqa nammarifa akoonaiqi faiqi maqaannoo. Miqi qimarufanoo Saraqa nammarifa uiqaana maqa kooqiki mi fasiqana aanaaqiannai ooqu faaqee idanoo irimarinau.

Oosana 18:14

Nana ainainee moo ainaina Yaaweefa sia amana auqaannoo fee mifa amana aiqama ainaina auqaannoo. Qinee anoona ufa qidaqa, moo aukuana maa quqoonnasaa qinee kafaa aniraananoo Saraqa nammarifa akoonaiqi faiqi maqaannoo.

Oosana 17:19

Miqi qufanoo Anutufa qimaminoo qinau. Ani anaaqa Saraqa nammarifa ani faiqi akoonaiqi maqasainana mina auqu Isakee nee qia. (Maasa ufakiqari Isakeena auqu naanaidara qiranee qimaqoofanoo.) Qinee ani faqa moodaanaki kira ufa quqaunafa Isakeenasaa faqa minasaaqari naaru naaru kambiqainausasaa faqa mariannoo.

Titusa 1:2

Mi kuqaa irirafa naaru naaru mariranaki fifandinnanasaa mundinoo mari irirafa maridanoo. Anutufa sia unna qimarifa anoona ufa qimarifa naaru marirana maasa qimiraree qinau. Ooqai maa maqa maaqafa sia maru kamuqoo mi kamuqoo kasooqaqee maasa qimiraree qima afeekaikinau.

Karatia 4:23

Abarahaamana amaaku Isamaeerafa rumbara anaasee faiqi marinau, faiqí anaasee imarundee inoo kai faiqi maqanau. Idukira anaasee Saraqana faiqi aadumasaa kambiqanau Anutufa qima afeekaikamasoofanoo Saraqafa qaafa anaasee asooqa maridanoo Abarahaamana faiqi maqanau.

Mataioo 24:35

Innaaruna faqa innaarunakinaa ainaina faqa maqa faqa maqasaaqaraa ainaina faqa aiqama taikafuannoo. Qini dookinaafa sia taikarana amana naaru naaru anoona uqanna mariannoo miqi kaimminoo mariannoo.

Karatia 4:28

Qinee Pauroosa minara maaqi qidaqa. Saraqana amaaku Isakeefa Anutuna qima afeekaikira ufasaa kambiqanoo marinau, doo maqee innee qini qikaqaafasaauqa miqi kaimmasee Anutuna ufasaa mina faiqi namu kammambiqa mariafanoo.

Oosana 50:24

Kuqiraridanoo Yooseefaafa maaqi qimasee narí ainaina qimanniminau. Qinee kuqirarammidaqa. Qinee kuqu fuananoo Anutufa innisaa rakisidanoo inni indaarunnikinaqa ooqai Abaraqaammana faqa Isakeena faqa Yakooboona faqa qima afeekaika mandee nimiqoo maqanasaa inni nindiqamaree miqoo munu quqaannoo.

Oosana 17:21

Moo aukuana maa quqoonnanasaa kai Saraqa nammarifa ani faiqi Isakeena maqannoo. Qinee qeeqa moodaanaki kira ufa minasaa quqaqaana mariannoo.

Oosana 17:16

Qinee Saraqa nammarina amiqi amiqi maisaananoo faiqi akoonaiqi ani maqa amiannoo. Mifa moomoo maqannaasa ninoofa marinaqa mina faiqi namukiqari akaqausa karaambaiqauqa marifaranoo.

Ruka 1:68

Isaraee maqannaa Anutufa anireenoo narí faiqí anaasee idukunnisainara minara karaambaiqara dufi dufi qianaura.

Rafudoo Akarafa 4:31

Isaraee maqannaasa Aaroona mi ufana iriseeqa kuqaa mifoo qiqau. Misa Yaaweefa misa unnai anunara nariqa firaa aupuraranara irisee kumma ramafufaqa innaaru qiqau.

Idi Ufa 106:4

Oo Yaawee, anee aneenna maqannaasa dadaaqidana qiniara faqa iria. Anee misa mara niseenana qini faqa mara qisaa.

Rafudoo Akarafa 20:5

Minara sia moo ainaina amana auqirana oorinni mapamufida innaaru qidaqa amooqiaqa. Qinee Yaaweesa inni Anutusa marunnanara sia mi ainainausa nimooqiaqa. Qinee sia uqanna moo anutunara qiananoo qini qimaaqa maqaannoo. Faiqí qiniara fidiaqaa inausa aupurarana nimiananoo misasaa faqa misa faiqi namu saa faqa misa ninaiqimara saa faqa nisaifaqausa saa faqa mariannoo.

Rafudoo Akarafa 3:16

Anutufa kaifaa Mosena qimaminoo qinau. Anee ooquree Isaraee maqannaasa uriqararausa suqusee maaqi qimasee qimannimia. Yaaweefa inni ninaakusa mara Abarahaammana faqa Isakeena faqa Yakooboona faqa Anutufa qini qifusaa kooroo mafinoo qimaqiminoo. Misa qimannimia, qinee misa iannai aniree niqafaunaqa Isipa maqannaasa qumaara moomoo nimimariafaqa qafaidaqa.

Ruka 19:44

Misa ani maqusa faqa faiqí anaasee faqa aiqama naru taikaseeqa ooni maqa moomoo marina rapeepaamaseefaranoo, sia moo ooni narisaa narisaa mariannoo. Qinee marunna kamuqoo Anutuna inni asumu marirana nimiraree qifaqa innee sia irirai mana mana imarianara inni narirafa kambiqaannoo.

Oosana 24:36

Qini uriqararana anaaqa Saraqa nammarifa asooqasaa faiqi akoonaiqi maqasoofanoo qini uriqararafa narí aiqama ainaina mina kai aminoo.