Biblia Todo Logo
Bib sou entènèt

- Piblisite -




Oosana 20:6 - Anutuna Ufa

6 Anutufa iriseenoo kafaa qainasaa qimaminoo qinau. Eeoo qinee iridaqa kuqaa ani aakirafa qimamifana andeeqaananoo. Qinee kai ani qumee rafaaqafunana anee sia qini mandaikamma qimaqeenana mi anaaseena faqa sakasee faiqaananoo.

Gade chapit la Kopi




Oosana 20:6
22 Referans Kwoze  

Yaaweefa maqasaa karaambaiqa irirana kaikaa nammariara foora ireeda kai minni fua mai ania qifanoo miqidanoo.


Akundamaseenoo Yakooboofa faqa narí faiqi namu faqa doo quqasee fufanoo firaa rufiarafa mi saqanna maru maqusausaki maru fasiqausa rafaaqafufaqa sia nifaqasee nariqau.


Miqi mariafanano mifa qini qikaru qimaseenoo qisauku qara 10 kari qini feefauru quandaqaandinoo. Miqi marifanoo Anutufa qifanoo sia qini mandaikamma qimaqeenoo.


Mi manda fasiqana mandainaina fannoo doo maqee maqasaa fasiqa anaaseeki oosana arasee qumee saikidanoo sia maqee anoonaikiannoo minasaa rafaaqafimari ainaina Anutufa uqeera marainanoo kooroo iannoo.


Yaaweefa qareenara karaambaiqa maasa itita qimaqee marifa maridanoo. Mifa narí amiqira dadaaqirana faqa maasa duqu uqeerarana faqa mi qandannai amiqimma qimaqaidanoo. Andeeqara aatata fimariasa moo ainainara iraifanoo sia amiqira ainaina nimiranara qaoo qiannoo.


Qinee aanaamuru innee finnatinai nifaqaseeqa misa maqa maaqa inni nimisee inni mi maqa maaqana firaanaikamma nisaanaqa innee aiqama aukuana qaaramoo kari moodaaqoo suqufi inneeqa Anutusa qini Yaaweesa qifusaa marifanoo sia moo aanaamuru aniree inni maqa maaqa mareefaranoo.


Minara karaambaiqa maaqi qimasee qimannimidanoo. Mandoosana maree mariasa faqa moodaa maqusaki maridaqa misa mandoosanara eerairiaqa. Innee mandainaina maree mariasa mandoosanara rufiasee sia mina umaraaqa. Innee miqidaqa anukaranaki marifaqa qinee aiqama ainaina uriqarara karaambaiqa fannoo inniara qinindi fee qinaqa innee qini faiqinamu qini qiraamummaaka marifaranoo.


Qinee misa mumuqira oosana qafamaseeqa misa rafuseeqee nári nidimaru mandoosanaki aqiqiafana. Doo miqooqari misa nári nidimaru manda iriranamau fiqau.


Oo Anutu qini aaqarafa ani kai mandaikamma amaqeeqa. Ani afusaa kai maa manda oosanna auqeeqa. Oo Anutu akooqoo ani qimamidaqa. Anee qini ufa qimiannana anee kuqaa andeeqarafa mariananoo. Anee ufa qimiannanannai qini aaqarana akiiqara iananoo.


Qinee maa maaqanaki rakisira afeeka mifa uaqeeindee kai masee uaqee idaqa. Mifa sia moo ainaina qini kukeeqa qimaqa qaifanoo maridanoo aiqama ainaina qimiqaifanoo, ani kai sia qimiqaifanoo. Naqi fee mandee fee qinee maa manda oosanna auqamasee fee Anutuna mandaikamma amaqaanauree.


Minara Anutufa kuqaa anoona ufara sia iri mariasa mandainainara asasi mariasa naruaninnaqoo mareeqee quqararee qimaseenoo moo maraquna aaqara maraquna naakunnimaqainaqa mi maraqunafa misa naundurai saikinaqa unna ufara kuqaa anoona ufee qifaranoo.


Innee Koorinti maqannaasa pasa akara rumasee oosana oosana ainaina qiniara iree mariafanoo. Maqee innee akaraki iree maria ufana qinee inniqa qimannimianaura. Inneeqa faiqí anaasee nimundaranara qiafaqa maaqi qimannimianaura. Faiqí nariara adeedaana maridanoo andeeqarafa mariannoo.


Miqi qimaseenoo narí maqannaasa aiqama naarama quqaseenoo maaqi qimasee qima niminau. Yafee maa fasiqanee mina aanaaqee mandaikamma nimaqaifaqa qinee kuqa kai mina aruanauranoo.


Kadiqa qambaanai moodaa saqariara sia naaqee sia auqaaqee qifaqa sia naidaqa. Maasa namaseeqa kuquanauranoo.


Piratoofa ufa irira maqaki ooqumarifi marufanoo narí anaaqa fannoo narí maaqakiqari pasa akara rumaseenoo moo fasiqasaa quqasoofanoo minisoofanoo Piratoofa asaana rumaseenoo qafanau. Narí anaaqa fannoo qinoo. Sia Yisuna arua. Asauku raqandaamasee ireeda maria. Qaina daaquqara qaina qini qifunnareenoo. Mi andeeqara fasiqanara qainammaqaunanoo daunduraki mandaiki marifaqa. Sia anee mina aruanee qimasee akara rinau.


Rabannafa aanai faiqaqee ufanoo mi eendanaki Anutufa qaina afunnareenoo qimaminau. Anee sia Yakooboona manda ufa amia.


Doo miqi kai inoo faiqí moo fannoo narí aqoonnana anaaqa faqa sia faiqaannoo. Miqinafa aupurarana maraannoo.


Swiv nou:

Piblisite


Piblisite