Oosana 20:11 - Anutuna Ufa

¹¹ Abaraqaammafa mina iriseenoo maaqi qimasee Abimeereekana qimaminoo qinau. Qinee maaqi qimasee qimiriqa maa maqannaasa sia Anutunara rufiqee mariafaqa qini daruseeqa qini qinaaqa mareefaara qimaseeqa miqi qiqa.

Oosana 20:11 Referans Kwoze

Aaquqira Ufa 16:6

Anee aiqama kari Yaaweena ufasaa mapukusee marinanoo mifa ani numoo taikaannoo. Yaaweena ufasaa mundufi finanoo sia moo mandainaina aniki kambiqaannoo.

Aaquqira Ufa 2:5

Miqinana anee Yaaweenara rufiara oosanara iriseenana Anutunara irinnaranoo.

Oosana 26:7

Keeraa maqannaa fasiqauqa mina aanaaqara iramirufanoo Isakeefa qini qisooki fee qinau. Isakeefa narí anaaqa Reebeekaa nammarifa oori amiqirafa marufanoo qini darusee qini qinaaqa mareefoo qimaseenoo rufia mareenoo qini qisooki fee qinau.

Oosana 12:12

Isipa maqannaa ani qafamasee, oo mina aanaaqammi maqi qimasee qini darusee ani maree foora.

Oosana 42:18

Qaaramoo faasaanasaa marisoofanoo Yooseefaafa maaqi qimasee qima niminau. Qinee Anutunara rufiee marunna fasiqausa maridaqa. Innee qini ufa mau fiqa amiqimmasee marifaranoo.

Oosana 22:12

Sia faiqi arua, sia mandaikamma amaqaa. Sia aneenna asaukukoo aneenna faiqi arua. Doo maqee qinee iridaqa anee Anutuna ufa qaindusidana mina ufa afaqee mariananoo. Anee aneenna amaakuara aneenna amuqusa uqannara sia qaoo qiananoo eedoo kai qiananoo.

Aaquqira Ufa 8:13

Yaaweenara qeerairida mina ufa qaindusiraree qimasee manda oosanara fidiaqaa ia. Qinee ramoo ramaa iranara faqa nári nuqu uqeerara oosanara faqa manda oosanara faqa unnufa qiranara faqa fidiaqaamidaqa.

Aaquqira Ufa 1:7

Anee irirana faqaafa mariraree qimasee Yaaweena ameemaanai maria. Furufari mariasa sia iriranara naaquqaidanoo irirana mararanara faqa nikooqaidanoo.

Idi Ufa 14:4

Anutufa maaqi qimasee iraidanoo, misa sia fee iridafee. Aiqama maa aaqara oosanna maree mariasa irirana siaisee maridee. Misa qini faiqí anaasee feemuara foora nama taikaidaqa. Misa sia qiniara aiqama kari innaaru qimariasa maridaqa.

Oosana 20:10

Nana irirafee marifanee maaqinanee.

Oosana 20:12

Qini qinaaqa kuqaa qini dauna maridanoo qini qikoona araamuna maridanoo moo anaasee faiqi marifaqa maraqaunafa maridanoo.