Oosana 2:9 - Anutuna Ufa

⁹ Anutufa oosana oosana amiqira saqariara qufanoo minaki kambiqafufaqa amiqira aqama iraqau. Kadiqa qambaanai saqari qaaraqanda marinau. Moo saqari fannoo marirana nimi maru saqarifa marinau. Kafaa moo saqari fannoo mandainainara faqa amiqira ainainara faqa irimaria iriranna nimimarufa marinau.

Oosana 2:9 Referans Kwoze

Oosana 3:22

Miqimmaseenoo Karaambaiqa Anutufa qinau. Maqee faiqí faiqi maaqanda maasara foora maridaqa aaqara oosanara faqa andeeqara oosanara faqa iridaqa. Maasa sia miqandara qianaqa naaru marirana nimimari saqari aqamana diqisee neefaranoo. Diqisee namaseeqa naaruara marifoora.

Uqafiqoo Ufafa 22:14

Nári qamunanda nammari uqusee anukara qamunna faqaasa misa kai amana fuka Yeerusaree maqusa kooqiki keeqafiqa kaqi naaru marira saqari qaqamma amana diqisee neefaranoo. Miqimariasa asasifaranoo.

Uqafiqoo Ufafa 2:7

Anutuna maraquna fannoo amaana maqaki keeqee mariasa aiqamai qimannimidanoo. Naaqoo faqaasa mina ufa kai iriaqa. Mandainainaki afeekaikamasee rakiranara foora maraqa fifi inaqa uriqaree mariasa qinee misa qimannimianaqa misa Anutuna innaaruna ququsaki keeqafi innaarunai asumu marirana nimira saqari qaqamma neefaranoo.

Uqafiqoo Ufafa 22:2

Mi nammarina dinni dinni afai saqari kambiqanoo maridanoo. Mi saqarisa aiqama quqoonasaa qaqamma iraidanoo kai maridanoo. Mina amanee aiqama maqannaasa aurirana teeroo taikannisee marifa mi saqari amaneefa maridanoo.

Aaquqira Ufa 11:30

Andeeqee maria oosanafa kaqi marirana nimidanoo. Mandoosana maree mariasa kasaaqanda midaqa.

Aaquqira Ufa 3:18

Amiqira irirana faqaasa asasidaqa, amiqira irirafa misa marirana nimiannoo.

Oosana 3:3

Kadiqa qambaanai moodaa saqariara sia naaqee sia auqaaqee qifaqa sia naidaqa. Maasa namaseeqa kuquanauranoo.

Oosana 2:17

Moodaa saqariara kai qinee qaoo qidaqa. Manda ainainara irirana faqa amiqira ainainara irirana faqa nimi mari saqarina kai sia naa. Anee namaseenana mikari kai kuqinnaranoo.

Yoohanee 6:48

Qinee kaqi marira feemuara foora marunausa maridaqa.

1 Koorinti 8:1

Innee Koorinti maqusanaa Yisuna ufara suqimariasa unnaqira afaanna naranara iraafaqa inni minara qimannimianaura. (Inni maqannaasa Yisuna ufa sia irimariasa misa tumunnai auqira afaanna amaana maqaki aandau arusee suqasee unnaqira afaanna amaana maqaki qoomaqa naida tumunnai auqira afaannara dufi dufi qimasee animma amidaqee qimasee nári neemariafaqa innee akaqausa misa dadaaqidaqa mi oosannara qini iree mariafanoo. Innee Yisuna ufa irimariasa akaqausaki náriara maasa aaqaidaqa miqira aandau naida fee qimariafanoo, mi aandaufa maasa daundurakinaana kuridiandoo qimasaidaqa qimiridaqa naida fee qimariafanoo. Akaqausa náriara maasa irirana faqaasa noori uqeerasee fifau tumunnai auqira afaanna marifaqa kaqi naanauree qimariafanoo.) Qinee Pauroosa minara kuqaa fee qidaqa moo irirana minasaa ookaaidaqa maaqi qidaqa. Miqira irirafa narí aidirafa narí aundurai umbiqafinara oori uqeeraidanoo nasuridanoo narí kai narí kurididanoo. Moo irirafa amiqirafa maaqi qidanoo. Faiqí nariara nariara amuqusira irirafa mi irirafa sia kurididanoo faiqí anaasee nifeeqareenoo pooduqaifanoo anoonaikidanoo.

Oosana 3:24

Anutufa Eedeenna kadidakiqari Adamasa Eewasa niqiqoofaqa fufanoo suani oosana qaannai kadida atinni naaru marira saqari fainnai fimaru aannanasaa angiroouqa quqasoofaqa ida auru arira paipana uaqeeidaqa faiqí minni fifoora ruki tataaka imariqau.

Oosana 3:5

Anutufa minara iridanoo qaoo qinoo. Innee mi saqari aqamana namasee Anutufara foora maridaqa manda ainainara faqa amiqira ainainara faqa irifoora.