Oosana 2:7 - Anutuna Ufa

⁷ Mikari karaambaiqa Anutufa maqa qumareenoo faiqí minannoo auqinau. Auquseenoo marirana nimi maru aidoona aikaamarai fuaqasoofanoo mi fasiqafa kasirana maranau.

Oosana 2:7 Referans Kwoze

1 Koorinti 15:45

Tamummaqara fasiqauqa akara minara maaqimminoo maridanoo. Indaaruqaa fasiqa Adamafa kasimaruna auquqoofa marinau. Qinee Pauroosa minara maaqi qidaqa. Adamana aanaaqiannaa fasiqa Yisufa maqee marirana faqa naaru marirana faqa nimimari maraqunafa maridanoo.

1 Koorinti 15:47

Indaaruqaa Adamafa maqasaaqaraa kookoomannai auqirafa marinau. Inaaqianna Adamafa Yisufa innaarunaindari quminau.

Oosana 3:19

Anee tooqaamu arimarinana kadaapirumasaidana maa maqanasaa narana kambiqasaidana nana fifiinana kuqinana maqaki ani auquafannanaki finnaranoo. Ani maqannai auquqaafanafa marianafa mariananoo. Anee maqa mariananoo kaifaa maqaikamma finnaranoo.

Oosana 7:22

Aiqama aandau faqa doodaani faqa maa maqanasaa marusa kuqu taikaqau.

Idi Ufa 103:14

Yaaweefa maasa auqunara iridanoo, maasa maqannai taikaaninna ainairannai auqunara iridanoo.

Idi Ufa 100:3

Innee sia Yaaweenara aunuaqa, mifa kai Anutufa maridanoo. Mifa kai maasa auqinau, maasa minaindi maridaqa. Maasa mina faiqí anaasee mina sipsipara foora maridaqa.

Roomma 9:20

Qinee mina iriseeqa maaqi qimasee ani qimamianaura, Anutufa aniara aaqee mariaanoo qimasee afairirana anee yafee maridanee quandaki narí qimaminnaree anee kaqikaafa mariananoo. Qafee auqiranara iria. Faiqí moo fannoo maqa maraseenoo qafee auqimarifanoo mi qafeefa sia quandakinoo mi fasiqanara aqidanoo anee nanaree qini maaqimmasee auqidanee, sia qafee fannoo miqi qidanoo.

Oosana 3:23

Karaambaiqa Anutufa minara iriseenoo Eedeena kadidakinaana doo miqanda nifaqaseenoo qinau. Inneeqara inni auquafanna maqanasaa maridaqa maqa auqamasaidaqa narana paquriaqa.

Heeburu 12:9

Maa maqanasaa maasa qikoofa aikannai qumarasee mandoosana akiaqara darifaqa maasa minara rufiaidaqa mina aaqa maridaqa. Innaarunai qikoofa miqi kai masee dariara foora inaqa firaaqoo mina aaqa maridaqa naaru naaru marianaura.

Aaquqira Ufa 20:27

Faiqí maraquna Yaaweena qooma maridanoo. Faiqí naundurai qaidanoo narí mariranasa niranara randaidanoo narí amanidanoo.

2 Koorinti 5:1

Maasa maqee maa maqanasaa marunna qifaaqafa uiqaana maaqa miqirafa rapeemambinanoo Anutufa innaarunnai maaqara foora narí moo usakaannoo, naaru marira maqa usakaqisaannoo.

2 Koorinti 4:7

Mi areenarana aufakiana firaa munnimma aqimari ainaina fara foora marifa maasaki fifau maqannai auqira qafeera foora maasaki quqaqaifaqa sia faiqí faiqi ainainimariana amanasaa ainainidaqa, fiqararafa marunara ainainidaqa. Anutufa mi fiqaramasee ainainirana narindikai marinara akooroo ianifeera narí areenara aufakiana maasaki fifau maqannai auqimaria ainainaki quqanau.

Yoohanee 20:22

Miqi qimaseenoo Yisufa aidoo maasa fuaqaqimaqaseenoo qinau doo innee naaquqara Anutuna maraquna maraaqa.

1 Timooti 2:13

Anutufa Adamana naaree auquseenoo doo mina inaaqianna Eeuana auqinau.

Oosana 2:6

Mikamuqoo nammari fannoo maqakiqari urureenoo aiqama maqa maaqa uqeena amaqanau.

Oosana 1:27

Miqi qimaseenoo Anutufa faiqí narí fooqaa irana kai auqinau. Faiqí faqa anaasee faqa naumoo faqaa qanda auqinau.