Oosana 2:2 - Anutuna Ufa

² Dinni taikasee dinni oonu qaaraqanda marasee 7 faasaana Anutufa narí ainainirana taikanau.

Oosana 2:2 Referans Kwoze

Heeburu 4:4

Akarakinaa ufa moo qisauku taikasee dinni ani qaara marasee faasaanara maaqi qidanoo. Anutufa narí kadaapirirana oosana oosana mi faasaanna quqasee adooanau.

Rafudoo Akarafa 31:17

Mi faasaanafa inni Isaraee maqannaa faqa qini faqa naaru naaru aqoondikirana koorooi mari faasaanafa mariannoo. Qinee Yaaweesa dinni taikasee dinni ani moodaa marasee 6 faasaanasaa maqa faqa innaaruna faqa auqusee dinni ani qaara marasee 7 faasaana ainainirana quqasee idooaafannanara mi faasaanafa idooara faasaana mariannoo.

Rafudoo Akarafa 23:12

Innee moodaannai qisauku taikasee dinni ani moodaa marasee 6 faasaana ainainiaqa. Ainainiqa fifi inaqa dinni taikasee dinni ani qaara marasee 7 faasaanasaa sia ainainiaqa. Inni ainainira faiqiuqa faqa aanaamuru inni ainaini marinausa faqa inni aandauqa faqa aiqama idooaaqa.

Yoohanee 5:17

Yisufa mina iriseenoo rakisirausa maaqi qimasee qimanniminau. Qini qikoofa sia moo faasaana minnisaidanoo aiqama faasaana ainainidanoo. Qinee faqa miqikaimmianauranoo.

Oosana 1:31

Doo Anutufa narí auqu quqasoo aiqama ainainauqa qafamaseenoo firaaqoo asasinau. Miqimmaseenoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa moodaannai qisauku taikasee dinni moodaa marasee 6 faasaanaikinau.

Heeburu 4:10

Faiqí anaasee moo fannoo Anutufa mariqoo keeqafinoo idooainafa mi fasiqa anaaseesa nári ummaara afaimma quqaseenoo amiqimma adooeefaranoo. Anutufa narí kadaapirirana minniseenoo idoo oondee mi fasiqa anaaseesa faqa miqikai iqa nári kadaapirirana afaimma quqaseeqa amiqimasee adooeeqa Anutufa undee ifaranoo.

Oosana 2:3

Dinni taikasee dinni oonu qaaraqanda 7 faasaanara Anutufa afaaqooqa qimasee, aaduma naaquqara faasaanee qinau. Narí kadaapirirana mi faasaanna taikoonara mi faasaannara naaquqara faasaanee qimasee idooanau.

Rafudoo Akarafa 31:15

Qisauku dinni taikasee dinni moodaa marasee 6 faasaana innee inneeqa ainainiaqa. Qisauku dinni ani qaara marasee 7 faasaana firaa idooara faasaana qini naaquqara faasaana maridanoo. Yafee mi faasaanna ainaininnana innee mina kuqa aruaqa.