Oosana 2:14 - Anutuna Ufa

¹⁴ Kafa moo amara auqu Taikirisa nammari marinau. Mifa Asiria maqa maaqa suani oosana qaannai atindanai qumi marinau. Moo amara auqu Eeufarateesa nammari marinau.

Oosana 2:14 Referans Kwoze

Oosana 15:18

Doo aaqee mikari kai Yaaweefa Abarammana faqa moodaanaki kira ufa qinau. Qinee maa maqa maaqana ani aiku asauku nimianauranoo. Isipa maqannaa nammari dinni oosirafa ani rameeqeenoo firaa nammari dinni Eeufarateesa nammari mariannoo.

Oosana 25:18

Isamaeerana aiku asauku Isipa maqusaindari suani oosana qaannai Sura maqa maaqa faqa, Qafiraa maqa maaqa faqa qambaana Asiria maqa maaqai fimaruqoo mariqau. Misa Abaraqaamana aiku asauku akaqausa maruqooqari naaduma mariqau.

Oosana 10:22

Seemana faiqi namu nuqu maaqimminoo marinau. Eerammafa faqa Asurafa faqa Arafakadafa faqa Rudafa faqa Arammafa faqa mariqau. Mi fasiqausa ninaiqimara nári ninaakusa nuqu maree mariqau.

Oosana 10:11

Miqoo mariufanoo Nimaroodafa Asiria maqa maaqai oonureenoo Ninifee maqusa faqa Reehoobootaira maqusa faqa Karaa maqusa faqa Reeseena maqusa faqa auqinau.

Oosana 2:13

Kafa moo amara auqu Kiqoona nammari marinau. Mifa Kusa maqa maaqa atindanai qumifi marinau.

Oosana 2:15

Karaambaiqa Anutufa narí auquqoo fasiqana mareeqee Eedeena kadidakina quqanau. Kadidaki maqa apauridanoo aiqama ainainasaa mi kadidanaki rakisianifeera quqanau.