Oosana 2:1 - Anutuna Ufa

¹ Miqimmaseenoo Anutufa aiqama innaaruna faqa maqa faqa auqu taikanau.

Oosana 2:1 Referans Kwoze

Idi Ufa 33:6

Yaaweefa ufannai qufanoo innaaruna kambiqanau. Narí ookinaa aidoonnai qufanoo suani faqa quqoona faqa fasau faqa kambiqanau.

Rafudoo Akarafa 31:17

Mi faasaanafa inni Isaraee maqannaa faqa qini faqa naaru naaru aqoondikirana koorooi mari faasaanafa mariannoo. Qinee Yaaweesa dinni taikasee dinni ani moodaa marasee 6 faasaanasaa maqa faqa innaaruna faqa auqusee dinni ani qaara marasee 7 faasaana ainainirana quqasee idooaafannanara mi faasaanafa idooara faasaana mariannoo.

Rafudoo Akarafa 20:11

Dinni taikasee dinni ani moodaa marasee 6 faasaana qinee Yaaweesa innaaruna faqa maqa faqa ooruku nammari faqa minauqaki mari ainainausa faqa auqi qiafana. Dinni ani qaara marasee 7 faasaanasaa qinee qidooa qiafana. Minara qinee Yaaweesa Sabata faasaana afaaqooqa qimasee naaquqara faasaanee qidaqa.

Oosana 1:1

Oosana kuradoo aukuanna Anutufa sia maru ainainannai miri innaarunna faqa maa maqana faqa oosana arasee auqinau.

Idi Ufa 146:6

Innaaruna faqa maqa faqa ooruku nammari faqa minaki maria ainainausa faqa auqunasaa mundi mariasa asasidaqa. Mifa aiqama kari narí qima afeekaikiranasaa afu rusisee maridanoo.

Idi Ufa 33:9

Yaaweefa qufanoo maa maqa maaqafa kambiqanau. Mifa afeeka ufa qufanoo aiqama ainaina kambiqanau.

Heeburu 4:3

Maasa mi fasaasa ufana Anutufa qimafeekaikunara kuqaa fee qimasee minasaa rusiqa marunnanara maasa kuqaa Anutuna faqa keeqaidaqa mina adooaranaki adooaida adooaanaura. Mifa minara maaqi qimasee akaraki qinau. Qinee Anutusa maaqi qimasee aanoo qima afeekaikiafannana. Naaru naaru misa sia uqanna qini idooaranaki qini faqa keeqafi idooeefaranoo. Anutuna ufa miqiminoo maridanoo qinee minara maaqi qidaqa. Ooqai oosana aroo aukuana Anutufa kuqaa aiqama ainaina doo auqu taikasee adooamasee narí adooarana faqa quqannimaqasoofaqa irirana rukiasee sia keeqee sia iriqau. Anutufa minara iriseenoo sia kaqi fuaqee qinau, kaqi mifa maridanoo sia uqanna amana misa keeqeefaranoo kaqi kai qafa.

Oosana 2:4

Miqimmaseenoo Anutufa innaaruna faqa maqa faqa auqinau.

Oosana 1:10

Anutufa aadanaikunara maqa fee qinoo auquranau. Nammari moodaanaki suqunara ooruku nammari fee qinoo auquranau. Miqi qimaseenoo doo andeeqafiifoo qimaseenoo asasinau.

Ruka 2:13

Miqi qufaqa innaarunaindaraa qangiroo moomoosa uqanna tautumasee kooroomafufaqa Anutunara asasira idi raidaqa maaqi qiqau.

Idi Ufa 104:2

Yaaweefa anee kaaqa qarana qumaree qamunnara foora afisi marianafa mariananoo. Kafaa anee innaaruna qumareeseera maaqara foora usakaananoo.