Oosana 19:21 - Anutuna Ufa

²¹ Miqi qimasoofanoo angiroo moo fannoo qimaminau. Doo amana qinee minara eedoo qidaqa. Sia qinee mi maqusana kuridianaura.

Oosana 19:21 Referans Kwoze

Idi Ufa 145:19

Mifa nariara naaquqee marifaqa mina ufa qaindusi mariasa dadaaqira ainainauqa nimidanoo. Mifa misa qiki raqarana iriseenoo misa ummaarakinaana mara kaqinni quqannisaidanoo.

Idi Ufa 102:17

Mifa qumureenoo Isaraee maqannaa fasiqa anaasee sarauirausara irinoo misa innaaru qirana faqa iriseenoo dadaaqiannoo.

Idi Ufa 34:15

Yaaweena afu fannoo andeeqarausasaa mundinoo marifanoo rakisi nimaqaidanoo. Mina aaqoo fannoo misa nammeeraqiana iridanoo.

Heeburu 2:17

Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.

Ruka 11:8

Mi fasiqafa naqi fee iannoo narana amiranara akooqaidanoo mina aqoondi marianinnara faqa sia amana findifi mara amiannoo. Anee faqa ani aqoondi marinana sia asaurinnaranoo fuki faaki qimarinanoo ani fuki faaki qirana taikaanifeera findifi mara amiannoo.

Mataioo 12:20

Mifa eendira saka sia ramooramaa mamaree raudaannoo. Amannaikiasa mandainaina rafaaqa fimarinara sia mifa aanoommasee qimannimifa fifimandee reendeenamandee naakapee marifa. Mifa miqimmamaree reendeenammamaree fifi inanoo numoo aukuana raquramiseenoo miqoomma uriqaraannoo.

Oosana 18:24

Qaara fasiqa niku nisauku taikasee qini qisauku qara taikasee 50 andeeqarausa mi maqusanaki marifana anee aiqamee naru taikeennaree. Kafaa 50 andeeqarausa marifana mi maqusana asumu quqeennaree.

Oosana 12:2

Miqoo oonu marinaqa ani faiqi moomoo amiananoo maqa maaqa qumbiqafi marifara. Qinee ani amiqi amiqimma amaqasaanana anee auqu faqaafa marinnaranoo. Miqimma finaqa anisaaqaraa amiqi amiqirana faiqí anaasee mareefaranoo.

Oosana 4:7

Anee amiqira ainaina auqeenanau asasa mianaiqini. Anee mandainaina auqaannanara numoo fannoo ani kooqiki ani amaara usinoo maridanoo. Mifa ani rafaaqa firarinana anee mina uraaqaraa.

Oosana 19:20

Anee kaqikaa maqusa muqunni qafaidanee. Mifa adeedi marifaqa amanee qinee minni sandaanauree. Kaqikaa maqusa uqanna maridanoo qinee minni oonureeqa asumu marianaura.

Oosana 19:22

Doo kai kaqi sandaa. Anee oonu rainaqa miqoo qeeqa qunna ainaina auqaanaura. Rootafa mi maqusanara kaqikaa maqusee qunara misa mi maqusana auqu Sooara fee qidaqa.

Rafudoo Akarafa 33:17

Yaaweefa Mooseena mi ufana iriseenoo qimaminau. Doo anee qianandee kaimmianaura. Qinee amiqimmasee aniara irimarunnanara faqa aniara asasi marunnanara faqa miqianaura.