Oosana 19:2 - Anutuna Ufa

² Oo qini uriqarara qanda qinee inniqara dadaaqirara maridaqa. Innee qara qini maaqaki aniree niku nammari uqusee qini maaqaki faiqaaqa. Faiqee duna kananaana findi finaqa inneeqa finnannai fuaqa. Miqi qimasoofaqa miqanda qaoo qida qiqau. Saina maa qanda maqusa qambaana faiqaanaura.

Oosana 19:2 Referans Kwoze

Oosana 18:4

Qinee qianaqa nammari minisaifaqa inneeqa niku nammari uqu seeqa maa saqarina atukaki adooaaqa.

Heeburu 13:2

Anaamuru sia oori qafainna maqannaana amiqi mandee narana amiqa maaqa amiaqa. Akaqausa miqidaqa sia irirai qangiroo amiqi amiqiqau.

Ruka 7:44

Qinee ani maaqaki aniraunnana anee sia maasa oosana mareenana nammarinnai qiku nammari uquananoo, maa anaaseefa narí aukununnai qini qiku nammari uquseenoo narí akiaqa asausi kisaaqannai rukeenoo.

Oosana 19:1

Abaraqaammafa muqunnisoo qangirooqanda Soodoomma maqusai ooquree maqusa kooqiki qafoofanoo Rootafa miqoo ooqu faaqee marinau. Maridanoo Rootafa miqanda nindafeenoo maqeenoo oonu miqanda noorinni oorindari maqasaa rupaitama fufanoo maaqi qimasee qimanniminau.

Oosana 19:3

Rootafa sandanainai qimaseenoo ufaqa miqanda mina faqa maaqaki keeqaqau. Ooru roofanoo Rootafa narí ainainira faiqiuqara qufaqa misa ooruku anoona sia qai feemuna faqa amiqira narana faqa suqasee nimufaqa naqau.

Oosana 24:31

Marufanoo qafamaseenoo qimaminoo qinau. Qini faqa aninaqa maaqai fua. Karaambaiqa fannoo ani amiqi amiqimma amaqee marifa mariananoo. Nanaree anee maaqoo maridanee. Qinee ani faiqara maaqa doo deedaqammasee ani kammeerauqa marirana faqa deedaqiqa.

Oosana 43:24

Quqaseenoo misa nifiqa mareenoo Yooseefaana maaqaki munu quqaseenoo nammari nimufaqa niku nammari uqusee mariqau. Misa doonkiuqa faqa narana nimufaqa naqau.

Aaquqira Ufa 25:17

Sia aneenna aqoonana maaqai maqee maqee namummaqaa, miqinanoo mifa aniara akooqainanoo fidiaqaammiannoo.