Oosana 19:16 - Anutuna Ufa

¹⁶ Rootafa iriseenoo oonauqee anauqee imarufanoo mina aqoondiqara mina asauku faqa mina anaaqa asauku faqa mina araamunaqara faqa qumaree rarisameeqee aanai ubeekaqau. Yaaweefa Rootanara amuqusufanoo miqinau.

Oosana 19:16 Referans Kwoze

2 Peetooroo 2:9

Qinee Peetooroosa minara irisee maaqi qidaqa Anutuna ufa irimaria fasiqausa oosana oosana nimaniranaki aqufifanoo Karaambaiqa misa mi nimaniranaki dadaaqira oosana iridanoo dadaaqiannoo. Mandoosana maree mariasa narirana ameemaanai quqaqaifaqa maridaqa ufirira faasaanara afeesida rakisira oosanara Anutufa iridanoo maridanoo.

Titusa 3:5

Sia maasa amiqira saikafau Anutufa qafamaseenoo mina akiaqarau maasa asumu maranau narí amuqusiranannai kai maasa asumu maranau. Kaifaa aanaaqi aanaaqi kammafirana mifa nammariara foora maasa findaukamannisanau. Minannai Anutufa maasa asumu maranau.

2 Koorinti 1:3

Asauku mundirana innisaimbaqa karaambaiqa Yisuna akoofa Anutufa minara maasa aiqamausa dufi dufi qimamaqaaqa, innisaimbaqara amuqusimari qikoofa innisaimbaqa qifaueemarifa maridanoo, aiqama dadaaqirafa mifinnaindari qumimarifa maridanoo innisaimbaqa mina kai dufi dufi qimamaqaaqa.

Yoohanee 6:44

Sia faiqí moo fannoo kaqi qinee ianannai anifaranoo. Qini qikoofa rarisameeqee quqainna fasiqa aanaaseesa misa kai qini naundura ubeekama qimaqeefaranoo. Misa miqifaqa taikara faasaana misa uqeereeqee naaru mariranaki quqannisaanaura.

Ruka 18:13

Ummuarira takisa munnimma maree marufa innaaru qirara firaaqoo asauridanoo aadumasaa kikiqammafinoo sia innaarunai oori uqeereenoo kummaramafinoo narí aaqaranara aiaaee qidanoo asauku rootee rootee kidanoo narí aaqaranara asauruseenoo qinau, oo Anutufa qinee aaqee marunausa maridaqa anee qiniara amuqusia.

Idi Ufa 136:1

Yaaweefa andeeqarafa marinara dufi dufi qimamaqaaqa. Mina amuqusirafa naaru naaru marifa maridanoo.

Idi Ufa 119:60

Qinee ani naamuaqira ufamau firaree qimasee sia manoo maanaa idaqa kai kaqi idaqa.

Idi Ufa 118:1

Yaaweefa andeeqarafa marinara mina dufi dufi qimamaqaaqa. Mina faiqí aanaaseera aidirafa naaru naaru marifa maridanoo.

Idi Ufa 111:4

Yaaweefa narí naaquqara ainaina auqamasee maasara sia qaunuaqee qidanoo. Mifa paapaa idanoo nifauee marifa maridanoo.

Idi Ufa 107:1

Yaaweefa andeeqarafa marinara mina dufi dufi qima amaqaaqa. Mifa maasara amuqusirafa naaru naaru marifa maridanoo.

Idi Ufa 106:8

Yaaweefa narí amudaanai qimaru afeekanara kooroo ianifeera narí qima afeekaikira ufa mau finoo misa ummaarakinaana uqeera nisanau.

Idi Ufa 106:1

Yaaweenara amooqiaqa. Innee Yaaweefa amiqirafa marifanoo mina amuqusirafa naaru naaru marinara mina dufi dufi qimamaqaaqa.

Idi Ufa 103:13

Faiqi nikausa faiqiara firaaqoo nimuqusidaqa. Miqikai inoo Yaaweefa nariara rufiee mariasara firaaqoo amuqusidanoo.

Idi Ufa 86:15

Oo Yaawee, anee kaaqa amuqusi marianna Anutufa faqa kaaqa afaari marianafa faqa mariananoo. Anee sia dauni aanoo qimarianafa mariananoo. Ani maasara amuqusirafa faqa aniki mapukusee marirafa faqa fiqaranoo maridanoo.

Idi Ufa 86:5

Oo Yaawee, anee maasa amiqimma qisaseenana maasa numoo minni qisee mariananoo. Aniara innaaru qimariasara ani misara amuqusirafa firaafa maridanoo.

Idi Ufa 34:12

Yafee moo fasiqa fannoo kaqi mariranara ridanoo fee. Anee kisaaqasaa maridana asasiranara aididanoo fee.

Rafudoo Akarafa 34:6

Yaaweefa Mooseena oorinni fiqaree oonuree maaqi qimasee firaaqoo qinau. Qinee Yaaweesa maridaqa. Qinee qimuqusirana faqa qimudaoo qirana faqa umbiqarausa maridaqa. Qinee sia kai kaqi aanooqunausa maridaqa, qinee kaaqa faiqí anaaseera qimuqusi marunausa mardaqa, qinee ooqai marunnaqoo kai marunausa maridaqa.

Roomma 9:18

Doo maqee maasa mi ufana iriseeqa Anutunara maaqi qidaqa. Anutufa narí kai irisee akaqausara amuqusifanoo amiqi amiqimmidanoo kafaa Anutufa narí kai iriseenoo akaqausa ufa rukiara oosana nimidanoo.

2 Peetooroo 2:7

Rootafa nariara andeeqarafa marinau misa nariara nariara qummuarirana faqa ufa rukiarana faqa Rootafa qafamaseenoo akooqee marufanoo Anutufa mina kai asumu akoonnai mara quqanau.

Oosana 19:15

Iaqoo faqa kananaana angirooqara Rootana kafaa fuki faaki qiqau. Doo kai kaqinana aneenna anaaqa faqa aneenna araamuna qara faqa nifiqee fua. Innee faqa maa maqusana namu faqa kuridifaara.

Rafudoo Akarafa 34:7

Qinee qeeqa qima afeekaikira ufa kasooaqee nukudara foora kambiqainausara qima qaafanna ufana kaqi kai iridqa, numoo faqa manda oosana akiiqara faqa minninisaanaura. Qinee numoo auqainna fasiqa aanaaseesa faiqi namu faqa mina anaiqi mara faqa mina asaifaqausa faqa afaqnausa faqa sia sia naruanaura, naruanaura.

Idi Ufa 32:10

Manda oosana maree mariasa moomoo ummaara oosana oosana misaki maridanoo. Yaaweena saqariki mariasa mina naaru marira amuqusirafa misa kukuqinoo maridanoo.

Idi Ufa 33:18

Yaaweena afu fannoo nariara rufiee mariasa dadaaqirara misasaa maridanoo. Yaaweena naaru marira amuqusiranasaa mundimariasa misasaa Yaaweena afu fannoo rusinoo maridanoo.

Idi Ufa 33:19

Mifa kuqiranasaa itita nimaqaidanoo. Mifa aandaroo aukuana faqa rakisi nimaqaidanoo.

Oosana 43:10

Maasa sia ani faqa kisaaqasaa ufa qifau, maasa amana qaara kari ooquree ururee unaiqini.