Oosana 19:15 - Anutuna Ufa

¹⁵ Iaqoo faqa kananaana angirooqara Rootana kafaa fuki faaki qiqau. Doo kai kaqinana aneenna anaaqa faqa aneenna araamuna qara faqa nifiqee fua. Innee faqa maa maqusana namu faqa kuridifaara.

Oosana 19:15 Referans Kwoze

Uqafiqoo Ufafa 18:4

Mi qanqiroofa miqi qimasoofanoo innaarunaindaraa ufa qinee Yoohaneesa moo iriqiafana. Mifa maaqi qimasee Anutuna ufa irimariasa qimanniminoo qinau. Oo qini qiku qisauku innee mi maqusanakiqari doo aniaqa. Innee sia misa mandoosanaki keeqaaqa miqiqa sia misa nariranaki faqa keeqaaqa.

2 Koorinti 6:2

Anutufa minara maaqi qimasee tamummaqara fasiqa qimannimufaqa akara riqau. Qinee qeeqa didira aukuana innee qiniara dadaaqianifee qinna nameeraqirana iriqa. Qinee asumu marirana nimira aukuana inni ufa irisee dadaaqiqa. Qinee Pauroosa minara maaqi qidaqa. Maa kamuqoo kai Anutuna dadaaqirana maree maria kamuqoo maridanoo. Maqee faasaana Anutufa innaaruna asumu nimifaqa mareemaria faasaanafa maridanoo.

Oosana 19:22

Doo kai kaqi sandaa. Anee oonu rainaqa miqoo qeeqa qunna ainaina auqaanaura. Rootafa mi maqusanara kaqikaa maqusee qunara misa mi maqusana auqu Sooara fee qidaqa.

Oosana 19:17

Nifiqa quqasoofanoo angiroo moo fannoo qimanniminoo qinau. Innee sandamafuaqa kuqifaara. Fidaqa sia quandafi qafaaqa. Afaasasaa faqa sia kasooiaqa. Innee kuqifaara, aaqanai sandee ooru fuaqa.

Oosana 19:14

Rootafa iriseenoo narí araamuna qara nifaaqi qarara qutaaqamaqoo fasiqa qanda faqa qimanniminau. Doo anifaqa innisaimbaqa mootinai fuaqa. Anutufa maa maqusana damunirara qinoo. Miqi qufaqa mina airaamaku qara sia iriqau. Quteeti qidanoo mifoo qimasee kaqi mariqau.

Oosana 19:16

Rootafa iriseenoo oonauqee anauqee imarufanoo mina aqoondiqara mina asauku faqa mina anaaqa asauku faqa mina araamunaqara faqa qumaree rarisameeqee aanai ubeekaqau. Yaaweefa Rootanara amuqusufanoo miqinau.

Idi Ufa 94:23

Yaaweefa mi manda siaasausa nariqa aaqarana akiiqara nimiannoo. Misa aaqarana akiiqara Yaaweefa kuridi nimaqaannoo. Yaaweefa maasa Anutufa misa kuridi nimaqaannoo.