Oosana 18:21 - Anutuna Ufa

²¹ Qinee ooqureeqa mi fasiqa anaaseesa mi oosanna auqee mariana qafaanaura kuqaa fee unna fee maridanoo fee.

Oosana 18:21 Referans Kwoze

Rafudoo Akarafa 3:8

Qinee innaarunaindari qumuree Isipa maqannaasa nisaukukinaana mareeqee firaa maqa maaqa ainoo faqaa maqa aiqama ainaina rairaa imariqoo quqaanauranoo. Mi maqanasaa Kannaana maqannaasa faqa Heeta maqannaasa faqa Amoora maqannaasa faqa Peerisita maqannaasa faqa Hifita maqannaasa faqa Yeebusa maqannaasa faqa misauqa mariaqoo quqannisaanaura.

Oosana 11:5

Mi maqusana auquseeqa kisaaqa maaqa faqa usakasoofanoo Karaambaiqa qumu nindafeenoo maaqi qinau.

Rafudoo Akarafa 33:5

Yaaweefa maa ainaina auqaaqeera qimannimufaqa miqiqau. Maaqi qimasee Yaaweefa Mooseena qimaminau. Innee kaaqa ramooramaa imariasa mariafanoo. Qinee inni faqa maqee fiqa inni kuridi nimaqaunaiqini. Doo maqee inneeqa nifaaqa auqirana raipaqu quqasee kaqi marifaqa qinee inni naqaafee mannimaqaannanara oonumafi irianaura.

Oosana 11:7

Doo anifaqa inni saimbaqa ooquree misa ufa furufaramma nimaqasaanaqa sia narí ufa narí ufa iriaqa.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

1 Teesaroonika 4:16

Mi faasaannasaa innaarunaindari Anutuna daambeenda firaaqoo ruannoo, qangirooqua uriqararafa ufa qiannoo, Anutuna ukeena fuaqaannoo doo miqoo innaarunaindari karaambaiqa narí uqanna qumuannoo. Qumurainaqa kuqirausa kaqi maru kamuqoo asauku mundirana saqarikida mariusa misa naaree kuqiranakiqari findififaqa doo miqoo maasa mikari kaqi mariasa faqa kuqirausa faqa Anutufa moodaanaki afapita qumareenoo uqeerannisainaqa asurukina keeqakinaqa aanai ooru karaambaiqa paqurimasee mikari mina faqa naaru naaru marianaura.

2 Koorinti 11:11

Qinee nanaree maa ufana inni qimannimidee. Qinee inniara qimuqusirana siaisee maridee maa ufana qimannimidee. Qinee inniara qimuqusimarunnana Anutufa doo iridanoo.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Ruka 16:15

Yisufa iriseenoo qimanniminau, innee inneeqa kai maqasaa fasiqauqa nifusaa andeeqarausee qimariasa mariafanoo, Anutufa inni naunduraki qafee marifa maqasaa fasiqauqa amiqira ainainee qimarianara Anutufa mandainainee qidanoo.

Idi Ufa 90:8

Maasa aaqarana aneenna afusaa aiqama quqasee qafee marianafa mariananoo. Maasa kukeeqafi maraunna mandoosanafa ani afusaa kaaqa qaranaki akoosaqa maridanoo.

Idi Ufa 14:2

Yaaweefa innaarunaindari maa maqanasaa faiqí faiqi mariasa niuqidanoo. Mifa irirana faqaasara randaifaqa sia maridaqa. Akaqausa qini Anutusara inaaru qidafee qimasee randaidaqa.

Oosana 6:12

Anutufa aiqama maqa maaqaki qafoofanoo mandaika uqannamminoo marinau. Faiqí anaasee aiqama mandainainaki kai mariqau.