Oosana 18:2 - Anutuna Ufa

² Ooqufaaqee marufaqa faiqí qaaramoo namu anufanoo Abaraqaammafa niqafamaseenoo nári oosana mareenoo findimeeqeenoo misa anuqoo sandee oonureenoo oorindari maqasaa kummarama finoo qimanniminoo qinau.

Oosana 18:2 Referans Kwoze

Heeburu 13:2

Anaamuru sia oori qafainna maqannaana amiqi mandee narana amiqa maaqa amiaqa. Akaqausa miqidaqa sia irirai qangiroo amiqi amiqiqau.

Oosana 18:22

Mi qaaramoo fasiqa namusakiqari qaara qanda Soodoomma maqusai ooqu fimarufanoo Karaambaiqa Abaraqaammana faqa marinau.

Oosana 19:1

Abaraqaammafa muqunnisoo qangirooqanda Soodoomma maqusai ooquree maqusa kooqiki qafoofanoo Rootafa miqoo ooqu faaqee marinau. Maridanoo Rootafa miqanda nindafeenoo maqeenoo oonu miqanda noorinni oorindari maqasaa rupaitama fufanoo maaqi qimasee qimanniminau.

Oosana 23:7

Miqi qufanoo Abaraqaammafa misa noorinni kumma ramafinoo qimanniminoo qinau.

Oosana 44:14

Yudafa narí auna akaqa faqa Yooseefaana maaqai oonuree qafoofanoo Yooseefaafa kaqi maaqaki marinau. Marufaqa misa anireeqa noorindari maqasaa aqufiqau.

Oosana 43:28

Qufaqa misa iriseeqa qiqau. Eeoo ani ureeqara ainainira faiqi maasa qikoofa kaqi maridanoo. Miqi qimaseeqa misa kafaa Yooseefaana oorinni noorindari maqasaa aqufiqau.

Oosana 43:26

Yooseefaafa maaqai aniroofaqa misa nári maaqaindari maree qumu ainainausa mara maree maaqaki mifa marunnai ooruree mina oorinni noorindari maqasaa aqufiqau.

Oosana 32:24

Taqa nimaqaseenoo naríara dinni afainni kaqi marinau. Marufanoo faiqí moo fannoo anireenoo aitata fufanoo Yakooboona qumaranau. Uaqeeidanoo narí rudammiqi narí rudammiqi idamarufanoo iaqarafa adeedi ranau.

Oosana 18:16

Mi fasiqa qaaramoo namusa Abaraqaammana faqa ooqu fiufaqa Soodooma maqusai qafee maruqoo muqunnisoofanoo Karaambaiqa narí kai qimasee irinau. Qinee auqararee qunna ainaina sia Abaraqaammana umeerama amaqaanaura.

1 Peetooroo 4:9

Innee narí maaqaki narí maaqaki keeqafi narana suqasee naraaree naraareemasaida naa. Anaamuru faqa paqurimandee miqi kai iaqa. Sia aundura rumbee marinana miqia aundura idukinoo marinana miqia.

Roomma 12:13

Innee niqoonausa Yisuna ufa irimariasa nana ainainaree sarau imariasa inneeqaindi misa faqa rainasee naida nimiaqa. Sia qafee marinna aanaamurufa faqa anirainana amiqi amiqimandee maaqa aminanoo tootooqiranaki fuani.

Oosana 17:3

Abarammafa mi ufana iriseenoo oorindari maqasaa mapamufufanoo Anutufa maaqi qimasee qimaminau.

Oosana 18:3

Oo uriqararausa, qinee inni dadaaqirausa maridaqa sia qini aidaaqa raaqa.

Oosana 24:63

Miqoo maridanoo Isakeefa moo eenoonnai aatata nidanoo uqeera fufanoo mirinni qafoofanoo kammeerauqa qumiqau.

Oosana 23:12

Miqi qufanoo Abaraqaammafa Qeetana aiku asauku noorinni kumma ramafinoo Eefaroona aiqamausa iriaqeera firaaqoo qimaminoo qinau.

Oosana 42:6

Yooseefaafa Isipa maqa maaqakinaasa uriqararafa maridanoo aiqama maqa maaqakinaasa feefauriaqee qimasee quqaqoofaqa feefauri mariqau. Yooseefaana afasausa mara ooquree Yooseena oorinni noorindari maqasaa kummaraqau.

Oosana 48:12

Miqi qimasoofanoo Yooseefaafa narí akoona afundana saaqaraana narí faiqi qara qumareeqeenoo narí akoona afunni oorindari maqasaa aqufinau.