Oosana 18:12 - Anutuna Ufa

¹² Saraqa nammarifa minara iriseenoo narí kai naanaidara qidanoo qinau. Qinee faqa qeeqa nauraiqindiri asooqa marida. Naqimmasee fee qeeqa qifaaqi faqa aana fuanauree.

Oosana 18:12 Referans Kwoze

1 Peetooroo 3:6

Saraqafa miqimaru anaaseefa marinau. Mifa narí afaaqi Abarahaamana ufara eedoo qimasee qini uriqarara fee qimarinau. Innee miqimandee amiqira oosana mareeqa sia oosana oosana ainainara rufieeqa Saraqana araamummaakai kamambiqa marifaranoo.

Oosana 17:17

Abaraqaammafa mi ufana iriseenoo maqasaa mapamu finoo naanaidara qidanoo qinau. Amanee 100 aukuana marara fasiqa fannoo faiqi maqaannoo fee Saraqa nammarifa faqa 90 aukuana mararafa amanee faiqi maqaannoo fee.

Oosana 18:13

Miqufanoo karaambaiqa Abaraqaammana qimaminoo qinau. Naqaa fee ifanoo fee Saraqa nammarifa naanaidara qinoo fee. Maana qinee asooqa maridaqa naqimandee faiqi maqaanauree qinoo fee.

Eefeesusa 5:33

Mi ufana inni faiqiara faqa qidanoo aiqama fasiqa nári ninaaqmaakara nári nifaaqara foora nári nimuqusiani, anaasee faqa nári nifaaqmaaka ufa ameemaanai eedoo qimasee mariaqa.

Idi Ufa 126:2

Maasa firaaqoo naanaidara qida asasida idiree mariqau. Miqi mariafanaqa akaqa maqannaasa maasara maaqi qiqau. Yaaweefa firaa ainaina dadaaqinoo fee qiqau.

Idi Ufa 45:11

Miqimarinanoo ani afaaqi karaambaiqa ani amiqira oori afiriara firaaqoo aidiannoo. Mifa ani karaambaiqa maridanoo anee minara kai qeerairidana mina ufa qaindusua.