Oosana 17:6 - Anutuna Ufa

⁶ Qinee ani faiqi asumu moomoo amianaqa misakiqari akaqausa karaambaiqa marifara. Ani asaifaqausa moomoo maridaqa moomoo maqannaa marifaranoo.

Oosana 17:6 Referans Kwoze

Oosana 17:4

Qinee maa moodaanaki kira ufana ani faqa qidaqa. Qinee kuqaa qima afeekaikidaqa. Anee moomoo maqannaasa ninaakufa marinnaranoo.

Oosana 35:11

Miqi qimaseenoo Anutufa kafaa Yakooboona maaqi qimasee qimaminau. Qinee aiqama afeeka faqaa Anutusa maridaqa qimamidaqa. Anee moomoo faiqi faqaafa maria. Akaqa maqannaasa ani aiku asaukukiqari marifaranoo. Anee karaambaiqauqa ninaakufa marinnaranoo.

Oosana 17:16

Qinee Saraqa nammarina amiqi amiqi maisaananoo faiqi akoonaiqi ani maqa amiannoo. Mifa moomoo maqannaasa ninoofa marinaqa mina faiqi namukiqari akaqausa karaambaiqauqa marifaranoo.

Oosana 17:20

Isamaeerana faqa anee qianandee, mina faqa amiqi amiqi ianaura. Mina faiqi namu moomoo uqanna kambiqeefara. Akoonaiqiuqa qisauku qara taikasee qikunni ooqu qaaraqanda 12 marasee uriqararausa marifara. Mina saaqari kambiqainausa firaa maqannaa marifaranoo.

Oosana 26:22

Miqi qimaseenoo kafaa quqasee moosaa oonureenoo miqi kai minoo moo nammari madika indufinau. Miqoo minara sia tinoo taanoo rirafa marufanoo mi nammari madikana auqureenoo nifaaqa quqasee mana manira nammari madikee qinau. Maqee Karaambaiqa fannoo mana manirana maasa qimifaqa maridaqa maaqoo aiqama ainaina masaananoo rairaaiannoo.

Oosana 28:3

Aiqama afeeka faqaa Anutufa ani faqa ani anaaqa faqa amiqi amiqimma nimaqaseenoo moomoo faiqi nimisainana anee moomoo maqannaasa nikoofa marinnara.

Oosana 41:52

Kafaa Yooseefaafa akoonaiqi moo maqaseenoo qinau. Anutufa maa maqa maaqanaki qinee aupurarana maree marunnanaki faiqi qiminoo. Miqi qimaseenoo mifa narí inaaqiannaa faiqi auqureenoo Eefaraimmanee qinau.

Oosana 47:27

Isaraee maqannaasa Isipa maqasaa Kooseena maqa maaqaki mariqau. Miqoo maridaqa moomoo ainaina faqaasa marufanoo misa faiqi namu faqa moomoo kambiqaqau.

Oosana 13:16

Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.

Oosana 48:3

Ooqu mari fufanoo Yakooboofa Yooseefaana qimaminoo qinau. Ooqai qinee Kannaana maqa maaqaki nuafannana kinai Rusa maqa maaqaki mariafananoo Anutufa aiqama afeeka faqaafa akooqoo kooroomma fufanoo qini qifaaqooqa qima qimaqanau.

Oosana 48:4

Mifa maaqi qimasee qini qima qiminau. Qinee moomoo faiqi asumu amiana anisaaqari ani aruakinausa moomoo maqannaasaika mifaranoo. Qinee maa maqana ani aiku asauku nimiananoo naaru naaru misaindika minoo mariannoo.