Oosana 17:21 - Anutuna Ufa

²¹ Moo aukuana maa quqoonnanasaa kai Saraqa nammarifa ani faiqi Isakeena maqannoo. Qinee qeeqa moodaanaki kira ufa minasaa quqaqaana mariannoo.

Oosana 17:21 Referans Kwoze

Karatia 3:29

Innee asauku mundiranaindi marianara Abarahaamana ati mariafanoo. Abarahaamana atiuqa marianara Anutufa Abarahaamana amiqi amiqirana qima afeekaikuna mi amiqi amiqira ainainna kasooqaqee innaarunai inni faqa nimiannoo.

Oosana 18:10

Miqi qufanoo misakiqari moo fannoo qinau. Moo aukuana maa quqoonnanasaa kai qinee kafaa aniraananoo ani anaaqa Saraqa nammarifa akoonaiqi faiqi maqaannoo. Miqi qimarufanoo Saraqa nammarifa uiqaana maqa kooqiki mi fasiqana aanaaqiannai ooqu faaqee idanoo irimarinau.

Heeburu 11:9

Abarahaamafa miqooqari aanaamuruara foora Anutufa qima afeekaikammaqoo maqa maaqanaki oonu marinau, Anutunasaa irirana rusiranannai kai miqinau. Narí maaqa uqanna ooqai maruna maaqa uqannaki marinau. Mi maqa maaqana minnisee fuka maqasaa narí faqa Yakooboona faqa Isakeena faqa uqiqaana maaqaki kai marusa mariqau. Aandau apatannai auqira uqiqaana maqaki mariqau. Miqanda faqa Anutuna qima afeekaikirana maree marusa mariqau. Miqanda faqa Anutuna qima afeekaikira ufa irisee mariqau.

Roomma 9:9

Anutuna qima afeekaikira ufa maaqimminoo marinau. Qinee qeeqa andeeqara aukuana aniree Saraqana dadaaqiananoo faiqi maqaannoo.

Ruka 1:72

Mifa narí qimaqoo ufanara irianauree qeeqa naaquqara moodaanaki kira ufa iriseeqa mimau dadaaqianauree qinau. Mifa oori runusee Abarahaamana qimaminau, minaki mifa maasa namuqaa nisaukukinaana mareeqee paasoosiranaki quqaqisainaqa maasa kaqi marianna kamuqoo mina naaquqara andeeqara fasiqa anaasee mariannanara qimaminau.

Ruka 1:55

Abarahaamanara faqa iriseenoo amuqusufanoo dadaaqinoo mina aiku asauku faqa naaru naaru dadaaqiannoo.

Rafudoo Akarafa 3:6

Miqi qimaseenoo Anutufa kaifaa qimaminoo qinau. Qinee ani akoona Anutusa maridaqa. Abarahaammana faqa Isakeena faqa Yakooboona faqa Anutusa maridaqa. Mosefa mi ufana iriseenoo Anutuna qafaanoo qimaseenoo rufiaseenoo oorisaa ititanau.

Rafudoo Akarafa 2:24

Anutufa misa qiki raqarana iriseenoo Abarahaamana faqa Isakeena faqa Yakooboona faqa moodaanaki kira ufa qimaqoofa misa faiqinamu faqa dadaaqianifeera oonu mafi irinau.

Oosana 46:1

Yakooboofa narí ainaina indaaii mareenoo Beeraseeba maqusai ooqureenoo miqoo narí akoona Isakeena Anutuna aandau tatufirana suqaminau.

Oosana 48:15

Miqi mandeenoo Yooseefaana afaaqooqa qimamaqeenoo qinau. Qini qikausa mara Abaraqaammana faqa Isakeena faqa nikoofa Anutufa maa faiqisa amiqi amiqimma nimaqaani. Qini qifiqamaree maaqoo maqee miniqaifaqa marunna Anutufa misa amiqi amiqimma nimaqaani.

Oosana 17:19

Miqi qufanoo Anutufa qimaminoo qinau. Ani anaaqa Saraqa nammarifa ani faiqi akoonaiqi maqasainana mina auqu Isakee nee qia. (Maasa ufakiqari Isakeena auqu naanaidara qiranee qimaqoofanoo.) Qinee ani faqa moodaanaki kira ufa quqaunafa Isakeenasaa faqa minasaaqari naaru naaru kambiqainausasaa faqa mariannoo.

Oosana 18:14

Nana ainainee moo ainaina Yaaweefa sia amana auqaannoo fee mifa amana aiqama ainaina auqaannoo. Qinee anoona ufa qidaqa, moo aukuana maa quqoonnasaa qinee kafaa aniraananoo Saraqa nammarifa akoonaiqi faiqi maqaannoo.

Oosana 21:1

Karaambaiqa narí qimaqoondee inoo Saraqa nammarina amiqi amiqimma amaqanau.