Oosana 17:13 - Anutuna Ufa

¹³ Aiqama uqanna nifaaqa ati aukuaqa. Aukusaifanoo mifa inni nifaaqai qini moodaanaki kira ufa naaruara marianinnanara koorooiannoo.

Oosana 17:13 Referans Kwoze

Rafudoo Akarafa 12:44

Inneeqa munnimmannai feefaurummaqoo ainainira fasiqausa fainanduqu saifaqa misa amana neefaranoo.

Oosana 37:36

Yakooboofa miqi marufaqa Midianna maqannaasa Yooseefaana afiqamaree Isipa maqa maaqai Pootifaana ainainira faiqi kianifeera amiseeqa feefauru maraqau. Isipa maqannaa kinna maaqasaa rakisi marusakiqari Pootifaafa uriqarara oofisaa marufaqa amiqau.

Mataioo 18:25

Mi fasiqafa sia amana narí karaambaiqa amufanoo narí faiqi namu qimanniminau. Moosa mina anaaqa faqa faiqi namufaqa nimisee innee minasaaqaraa feefauru mareeqee qimiaqa, mi munnimmana akiaqariani.

Rafudoo Akarafa 21:16

Faiqí moo fannoo moo fasiqa mareeqeenoo narí ainainira faiqi kee iannoo fee moo atinai nimisee feefauru fee marainnana kuqa aruaqa.

Rafudoo Akarafa 21:4

Mina feefauru mina rakisiifa anaasee aminanoo mifa faiqi maqaseenoo mariinanoo mina aukuana taikainanoo anaasee faqa faiqi faqa miqoo quqaseenoo kaqisamu amaaqa fuani. Mi anaaseena faqa mina faiqi faqa rakisiranaindi kai marifaranoo.

Rafudoo Akarafa 21:2

Innee Heeburu maqannaasa ainainira faiqi munnimmannai feefaurumasaifanoo mifa inni faqa moodaannai taikasee dinni ani moodaa 6 marasee aukuana ainaina masainaqa dinni ani qaaraikinaqa 7 doo quqasaifanoo kaqi fuani. Idukinnana akiiqara sia feefauriani.

Oosana 39:1

Isamaeerana aiku asauku Yooseefaana afiqamaree Isipa maqa maaqai muqusoofanoo Isipa maqannaa karaambaiqa Faraoona sundiauqa rakisirafa Pootifaafa Yooseefaana feefaurinau. Pootifaafa Faraoofa maruqoo rakisi maru sundiasa uriqararafa marinau.

Oosana 37:27

Anifaqa Isamaeerana aiku asauku maa aniraasa nimianaqa feefauru qimiaqa. Mifa maasa qikaqa maridanoo maasa moodaa fidika marinara sia mina aidafirana amia. Miqi qufaqa misa eedoo qiqau.

Oosana 15:3

Anee faiqi asumu sia qini qimiananoo qini ainainira faiqi uqakiqari moo fannoo qini qumiasana maraannoo.

Oosana 14:14

Abarammafa Rootana mara maree funara iriseenoo narí ainainira faiqiuqaki nimudaanai qimarusa narí uiqaana maqusakinaasa 318 fasiqa nifiqanau. Nifiqaseenoo qimannimufaqa qaara faqa qaara faqa karaambaiqauqa nifaqamaree Dannaa maqa maaqai nianai fiqau.

Oosana 9:16

Oondanda oonnamuki rafeeqnainaqa qafamaseeqa naaruara qinee inni maqasaaqaraasa faqa naaru marira moodaanaki kira ufa qiafannanara irianaura.

Oosana 17:7

Qinee qeeqa qima afeekaikira ufa ani faqa ani asaifaqausa naaru kambiqainausa faqa qiafannana naaru marira moodaanaki kira ufara foora rakisianaura. Qinee ani faqa ani asaifaqausa Anutusa marianaura.