Oosana 16:7 - Anutuna Ufa

⁷ Qakaara nammarifa amaaqa firaree qimasee Suraa maqa maaqaki fimaru aatata sandee fifiiufanoo aadana maqa maaqa qambaanai nammari kaqikaafa ururee maruqoo Karaambaiqa angiroo fannoo Qakaara nammarina paqurimmasee qimaminoo qinau.

Oosana 16:7 Referans Kwoze

Rafudoo Akarafa 15:22

Mooseefa Isaraee maqannaa taatuqee ooruku nammarindaraana nifiqeenoo Suraa aadana maqa maaqaki quqanau. Qaaramoo faasaanasaa aadana maqa maaqaki fidaqa sia nammari paquriqau.

Oosana 25:18

Isamaeerana aiku asauku Isipa maqusaindari suani oosana qaannai Sura maqa maaqa faqa, Qafiraa maqa maaqa faqa qambaana Asiria maqa maaqai fimaruqoo mariqau. Misa Abaraqaamana aiku asauku akaqausa maruqooqari naaduma mariqau.

Oosana 21:17

Miqi marufanoo Anutufa mi faiqina iki raqarana irufanoo innaarunaindari Anutuna angiroo moo fannoo Akaara nammarina qimaminoo qinau. Akaara nammari anee nanaree ummaara maraidanee. Sia rufiaa. Ani amaaku iki raqarana Anutufa doo irinoo.

Aaquqira Ufa 15:3

Yaaweefa aiqamai kambiqee mari ainainna qafaidanoo. Maasa andeeqara ainainee mandainainee auqaunanoo mifa maasasaa afu rusisee maridanoo.

Oosana 31:11

Qinee qainasaa qafaafananoo Anutuna angiroo moo fannoo qini daaroofaqa qinee maqi qiqiafana.

Oosana 22:15

Karaambaiqa angiroo innaarunaindari kaifaa Abaraqaammana aaramaseenoo qinau.

Oosana 22:11

Karaambaiqa angiroo innaarunaindari aaramaseenoo qinau, Abaraqaamma, Abaraqaamma, miqi qufanoo Abaraqaammafa qinau. Qinee maa maridaqee qufanoo Karaambaiqa qinau.

Oosana 20:1

Abaraqaammafa Mamareena maqusa uqaseenoo Neekeefa maqa maaqakina ooqu finau. Mifa Kadeesa maqusa dinni Sura maqausa dinni qambaana ooqu marinau. Marikinoo kafaa Keeraara maqusaki ooqu marinau.

Oosana 21:18

Doo findi finana oonu faiqi rafususee amiqi amiqia. Qinee mina saaqari kambiqainausa firaa maqannaasaika mannisaanaura.

Oosana 21:19

Miqi qimaseenoo Anutufa Akaara nammarina afu maqa amufanoo nammari madika qafanau. Qafamaseenoo aandau apata taqu mara mareenoo ooqu saka narí faiqi amufanoo nanau.

Oosana 24:7

Yaaweefa innaarunaindaraa Anutufa qeeqa qikoona maqusaindaraana faqa qeeqa ainaina maqasaaqaraana faqa mara mareenoo maa maqa maaqanasaa quqaqoosa maridaqa. Mifa qima afeekaikammasee qini faqa qini qiku qisauku faqa maa maqa maaqana nimianauree qinau. Mifa narí angiroo aiqainanoo ani afunni finana ooru qini qimaaku anaaqa afiqee quminnaranoo.

Rafudoo Akarafa 3:2

Rakisi marufanoo miqoo Anutuna angiroo fannoo idaurukiqari mina afusaa koorooinau. Kooro mafufanoo, Mosefa mina qafoofanoo idauru firaafa qaidanoo sia mi sasamimina qanau.