Oosana 16:11 - Anutuna Ufa

¹¹ Maqee ani aranandaki faiqi rinoo anee akoonaiqi maqeennaranoo anee mina auqu Isamaeera nee qia. Karaambaiqa fannoo anee aupuraranakiqari mina aaramasee faaqa ruannana irinara minara mi faiqina auqu Isamaeera nee qia.

Oosana 16:11 Referans Kwoze

Rafudoo Akarafa 3:7

Anutufa kaifaa Mosena qimaminoo qinau. Qini faiqí anaasee Isaraee maqannaasa Isipa maqannasaa firaa aupurarana nimi mariafaqa nindafaidaqa. Misa qiniara maasa afeeka rakisira rakisi mariasa nisaukukinaana rafia quqaannee qimasee qini daaree mariafaqa iridaqa. Qinee misa aiqama aupurarana maree marianara iridaqa.

Oosana 17:19

Miqi qufanoo Anutufa qimaminoo qinau. Ani anaaqa Saraqa nammarifa ani faiqi akoonaiqi maqasainana mina auqu Isakee nee qia. (Maasa ufakiqari Isakeena auqu naanaidara qiranee qimaqoofanoo.) Qinee ani faqa moodaanaki kira ufa quqaunafa Isakeenasaa faqa minasaaqari naaru naaru kambiqainausasaa faqa mariannoo.

Rafudoo Akarafa 3:9

Isipa maqannaasa Heeburu maqannaasa radami mariafaqa misa qiki raqee mariafa doo qini daaqoosaa rifaqa iridaqa.

Ruka 1:31

Anee amuaqu uqaikinana akoonaiqi maqaseenana mina auqu Yisunee qinnaranoo.

Idi Ufa 22:24

Yaaweefa sia kudi fasiqauqa sarau imarianara irisee ameesuqu nimaqaidanoo. Sia oori rafusu kaqinni aqidanoo, mifa misa innaaru qirana iriseenoo dadaaqidanoo.

Oosana 37:25

Aquseeqa miqoo ooqu faqee narana naidaqa tautummasee qafoofaqa Isamaeerana aiku asauku aniqau. Misa Kireeata maqa maaqaindari Isipa maqa maaqai fimariqau. Misa adiafaa imarufaqa neemaru ainainna faqa afundimaru saqari anoonnana faqa mara kammeerasaa quqeesee Isipa maqannaasa feefauriaqeera maree fiqau.

Oosana 21:17

Miqi marufanoo Anutufa mi faiqina iki raqarana irufanoo innaarunaindari Anutuna angiroo moo fannoo Akaara nammarina qimaminoo qinau. Akaara nammari anee nanaree ummaara maraidanee. Sia rufiaa. Ani amaaku iki raqarana Anutufa doo irinoo.