Oosana 15:1 - Anutuna Ufa

¹ Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.

Oosana 15:1 Referans Kwoze

Idi Ufa 119:114

Oo Yaawee anee qini itita qimaqee marianafa mariananoo. Minara qinee qeeqa irirana ani qima afeekaikiranasaa rusisee maridaa.

Idi Ufa 84:11

Yaaweefa qareenara karaambaiqa maasa itita qimaqee marifa maridanoo. Mifa narí amiqira dadaaqirana faqa maasa duqu uqeerarana faqa mi qandannai amiqimma qimaqaidanoo. Andeeqara aatata fimariasa moo ainainara iraifanoo sia amiqira ainaina nimiranara qaoo qiannoo.

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Ruka 12:32

Oo innee qini faiqi namu, innee qini aandau aanaaqi firimariasara foora mariafanoo sia rufiaaqa inni innaarunai nikoofa asasamasee innaaruna ququsa inni nimiraree qidanoo.

Idi Ufa 5:12

Oo Yaawee ani ufamau fimariasa amiqi amiqimmannimaqaa. Ani amuqusirafa rakira saqariara foora misa itita nimaqaidanoo.

Idi Ufa 18:2

Yaaweefa qini itita qimaqee marifa maridanoo. Mifa qini afeeka faandaamurara foora maridanoo. Qini Anutufa qini itita qimaqee marifa maridanoo. Minaki marunnanara asumu maridaqa. Mifa qini rakira saqariara foora maridanoo. Mifa qinisaa ititaseenoo qini asumu mara quqaqisaidanoo.

Idi Ufa 142:5

Oo Yaawee anee dadaaqianneera aaraidaqa. Anee Yaaweefa qini itita qimaqee marianafa mariananoo. Maa maqanasaa mariranaki maridaqa aniara kai ridaqa.

Idi Ufa 3:3

Miqi qimariafana oo Yaawee anee qini aiqama kari mandainainaki itita qimaqee marianafa mariananoo. Anee rakiranaki uriqararana qimiseenana qini paasoosirafa taikanoo marina kaifaa qimiananoo.

Oosana 21:17

Miqi marufanoo Anutufa mi faiqina iki raqarana irufanoo innaarunaindari Anutuna angiroo moo fannoo Akaara nammarina qimaminoo qinau. Akaara nammari anee nanaree ummaara maraidanee. Sia rufiaa. Ani amaaku iki raqarana Anutufa doo irinoo.

Ruka 1:30

Miqufanoo qangiroo fannoo qimaminoo qinau, Oo Maria sia rufiaa doo Anutufa narí afaarirana anisaa quqeenoo.

Idi Ufa 58:11

Faiqí mina qafamasee maaqi qifaranoo. Andeeqara marirana maree mariasa mi andeeqarana akiiqara nimirafa kuqaa maridanoo. Maa maqanasaa qaraasa andeeqasee rainee mari Anutufa kuqaa maridanoo, sia sia maridanoo.

Mataioo 8:26

Yisufa misa ufa iriseenoo qimanniminau. Oo kaaqa innee fifau rufiee mariasa. Sia qinisaa irirana rusimariasa mariafanoo. Miqi qimaseenoo findifufanoo ufai faqa nammariara faqa qaoo qufanoo nammari faqa ufai faqa kasoomafinoo dai qimafinau.

Idi Ufa 27:1

Yaaweefa qini qoomara foora maridanoo qini asumu maree marifa marinara qinee yanaree moonara rufiaanauree. Qini marirana nirana afeeka Yaaweefa kai marinara qinee yanaree maparaa ianauree.

Aaquqira Ufa 11:18

Manda oosana maree mariasa maree maria qumiasana ainainafa sia misa dadaaqidanoo. Andeeqara oosana maree mariasa maree maria ainainafa akooqoo afeeka ainaina mariannoo.

Idi Ufa 91:4

Mifa kookooraanara foora narí aqoosannai ani itita amaqaannoo. Anee mina aqoosaki keeqafinana itita amaqarana paqurinnaranoo. Mina mapukusee marira oosana fannoo ani saqari kamma amaqeenoo ani faandaamurara foora mariannoo.

Rafudoo Akarafa 14:13

Mooseefa misa ufa iriseenoo qimanniminoo qinau. Innee sia rufiaaqa, kaqi nimatautasee maridaqa Yaaweefa innee asumu mariaqeera itita nimaqainaqa qafeefaranoo. Maqee innee Isipa maqannaa amiqimasee nindafaaqa. Innee maaqooqari sia kafaa nindafeefaranoo.

Uqafiqoo Ufafa 1:17

Qinee mina qafamasee kaaqa rufiasee mina aramandunnai maqasaa aqufiqa kuqiara foora iqa mariafananoo narí asauku uqannai qinisaa munduseenoo qimaqiminoo qinau. Oo maa fasiqa sia rufiaa. Qinee indaaruqaasa faqa inaaqianaasa faqa maridaqa.

Heeburu 1:1

Ooqai Anutufa narí marunara moomoo kari moomoo oosanannai faqa narí tamummaqara fasiqauqannai faqa maasa Isaraee maqannaa qikeeku qikaaku narí marunara naamua qimannimimarinau.

Aaquqira Ufa 30:5

Anutuna ufa aiqama anoona kai kambiqaidanoo. Mifa qi ufafa anoona kai kambiqaidanoo. Mifinnai fimariasa mifa rakira saqariara foora itita nimaqaidanoo.

Idi Ufa 84:9

Oo Anutu, anee maasa Isaraee maqannaasa karaambaiqa maasa rakiranaki saqariara foora ititaqimaqee mari fasiqana amiqi amiqimma amaqaa. Anee mina rusandeesamummasee maraqoonafa maridanoo.

Mataioo 28:5

Maqasaa noorindari faiqaqeeufanoo qangiroo fannoo anaasee oonuroosa maaqi qimasee qimanniminoo qinau. Innee sia rufia rufiaqiaqa. Innee Yisuna aunirira saqarisaa pirimmannoo aruqaanara randaidaqa qinee iridaqa.

Oosana 15:2

Abarammafa mi ufana iriseenoo narí qimaminoo qinau. Oo uriqarara karaambaiqa anee nana qumiasanee qini qiminnaree qinee faiqi siaisa maridaqa. Maa qini ainainira faiqi auqu Eerieseerafa Damaskusa maqusaindaraafa mifa kai maridanoo qinee kuquananoo qini ainaina maraannoo.

Oosana 15:4

Miqi qimaseenoo Abarammafa irufanoo kafaa Karaambaiqa qimaminoo qinau. Maa ani ainainira faiqi Eerieseerafa sia ani qumiasana ainaina maraannoo. Aninna faiqi uqanna fannoo ani ainaina maraannoo.

Oosana 31:7

Miqi mariafanano mifa qini qikaru qimaseenoo qisauku qara 10 kari qini feefauru quandaqaandinoo. Miqi marifanoo Anutufa qifanoo sia qini mandaikamma qimaqeenoo.

Oosana 22:1

Mariiufanoo Anutufa Abaraqaammana amanammasee qafaanee qimasee innaarunaindari aaramasee qinau. Oo Abaraqaama qufanoo Abaraqaammafa qinau qinee maaqoo maridaqa. Miqi qufanoo Anutufa qimaminau.

Oosana 22:20

Mariiufanoo Abaraqaammafa irufanoo Mirikaa nammarifa Naqoorana Abaraqaammana akaqa faiqi qisauku dinni taikasee dinni oonu qaarammoo marasee 8 maqee foo qiqau.

Idi Ufa 3:4

Qinee Yaaweena dadaaqianifeera aaree marunanoo narí naaquqara aaqanasaaqari iriseenoo dadaaqirana qiminoo.

Idi Ufa 115:10

Oo Isaree maqannaa aanaiqikirausa nikeeku nikaaku mariasa innee Yaaweena mandaaqaaqa. Mifa dadaaqinoo itita nimaqaidanoo.