Oosana 13:4 - Anutuna Ufa

⁴ Ooqai mifa miqoo tatufira qainda auquqoo ooqureenoo Karaambaiqa innaaru qimamaqanau.

Oosana 13:4 Referans Kwoze

Idi Ufa 116:2

Mifa qini ufa aaqoo rammatinimmasee irimarinara qinee kaqi marunna kamu minara innaaru qianaura.

1 Koorinti 1:2

Innee Koorinti maqusai Anutuna ufara suqimariasa akara rumannimaqaidaqa Anutufa inniara narí aiku asauku mariaqeera utaaqamaqaisa mariafanoo, innee mina asauku mundirana Yisunasaa atooqaanara Anutunaindi kammiqa mariafanoo, Anutufa narí faiqi namu mariaqeera narí innai fuaqeera inni naareenoo, sia innee kai minaindi mariafanoo, aiqama maqanaa maasa karaambaiqa asauku mundirana Yisuna aaree mariasa misa faqa innee faqa minaindi mariafanoo. Yisufa misa faqa maasa faqa karaambaiqa maridanoo.

Idi Ufa 145:18

Mifa narí aaree mariasa naaqa maridanoo. Mifa nariqa nimuqusa ookiqari aaree mariasa naaqa faqa maridanoo.

Idi Ufa 116:17

Qinee dufi dufi qirana faqa qeeqa innaaru qirana faqa aandau tatufiranara foora amianaura.

Idi Ufa 107:15

Miqi marisa Yaaweena sia taikaaninna amuqusiranara dufi dufi qimamaqaaqa. Mifa faiqí sia auqaaqaaira ainaina auqoonara faqa dufi dufi qimamaqaaqa.

Idi Ufa 107:1

Yaaweefa andeeqarafa marinara mina dufi dufi qima amaqaaqa. Mifa maasara amuqusirafa naaru naaru marifa maridanoo.

Idi Ufa 84:10

Moodaa faasaana ani amaana maqaki marirafa uriqararafa maridanoo. Wan tauseena faasaana kaqinni marirafa oorudupirafa maridanoo. Qinee qeeqa Anutuna amaana maqa kooqiki keeqarara dididanoo. Manda oosana maree mariasa maaqaki mariranara qikooqaidanoo.

Idi Ufa 107:8

Miqi marisa Yaaweena sia taikaaninna amuqusiranara dufi dufi qimamaqaaqa. Mifa faiqí sia auqaqaaira ainaina dadaaqinoo auqoonara faqa dufi dufi qimamaqaaqa.

Idi Ufa 26:8

Oo Yaawee qinee anee marianna maaqanara firaaqoo dididanoo. Ani qareenarafa mariqoora firaaqoo dididanoo.

Oosana 13:18

Abarammafa minara iriseenoo narí uiqaana maaqa rapeemma mareenoo Heebaroona maqa maaqaki Mamareena saqariuqa atukaki ooqureenoo miqoo Karaambaiqa tatufira qainda ooninnai auquseenoo tatufirana suqa aminau.

Oosana 4:26

Seetafa innooqafinoo akoonaiqi Eenoosana maqanau. Eenoosafa maru kamuqooqari oosana arasee misa Anutunara innaaru qidaqa minara naaqura Karaambaiqee Yaawee fee qidaqa innaaru qimariqau.

Oosana 26:25

Isakeefa Karaambaiqa mi ufana iriseenoo ooninnai qainda auquseenoo Karaambaiqa aandau tatufirana minasaa suqa amiseenoo innaaru qinau. Miqoo Isakeeefa narí uiqaana maqa burimakau apatannoo usakaseenoo marinau. Minaki maridanoo narí ainainira fasiqauqa niiqoofaqa moo nammari madika indufiqau.