Oosana 13:16 - Anutuna Ufa

¹⁶ Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.

Oosana 13:16 Referans Kwoze

Oosana 28:14

Ani aiku asauku anisaa ani aruakinausa faqa nukudara foora maa maqanasaa marifaranoo. Misa miqooqari kambiqamaree suani oosana qaannai finanoo aramareenoo keeqee mari qaannai finanoo dinni dinni ataaqeenni finanoo miqi mambi amana kai marifaranoo. Ani faqa ani aiku asaukuaroo qiqa aiqama maqannaasa amiqimma nimaqaanaura.

Oosana 32:12

Anee maaqi qimasee qiniara qima afeekaikinau. Ani aiqama ainaina andeeqamma aisaanauranoo fee qinau. Ani moomoo faiqi asumu amianaqa sia amana moo fannoo asaana ruannoo, nukudara foora sia kasoo uqanna marifaranoo fee qinau.

Rafudoo Akarafa 32:13

Anee aneenna ainainira faiqiuqa Abarahammana faqa Isakeena faqa Yakooboona faqa kuqaa qima afeekaikira ufa qunnanara oonumafi iria. Anee misara fasaura foora mafifaqa qinee qima afeekaikiafanna maqa maaqana inni nimianauree qinau. Nimisaananoo mi maqa maaqafa innindikamminoo naaru naaru mariannoo fee qinau.

Oosana 22:17

Qinee kuqaa qima afeekaikammasee anisaa ani aruakinausa ani aiku asauku innaarunai fasaura foora moomoo marifaranoo nukudara foora ani amianauranoo. Ani aiku asauku namuqaa rafaaqa fusee misa ainaina maree marifaranoo.

Oosana 15:5

Miqi qimaseenoo Karaambaiqa Abarammana afiqee madaanai muquseenoo qinau. Innaarunai qafamaseenana fasau amanee anee asaana rinnaree. Aniki ani aruakinausa miqimmasee kambiqeefara.

Uqafiqoo Ufafa 7:9

Qinee Yoohaneesa mina qafamaseeqa quandaki qafaafana moo suqirafa marinau faiqí anaasee firaaqoo qusimariqau. Sia faiqí moo fannoo nisaanarirana amana moomoo uqanna mariqau. Misa aiqama firaa maqannaasakiqari faqa kaqikaa maqannaasakiqari faqa aiqama fasiqa anaaseekiqari faqa aiqama ufakiqari faqa Anutuna qaari oorinni sipsipa aanaaqi oorisaa aiqama ufa qimarusa kikiqammafiqau. Misa qamunna eekara afisirausa aufaqaa saqari asaana uqirausa Anutuna oorisaa kikiqiqau.

Oosana 46:3

Qufanoo Anutufa qimaminoo qinau. Qinee Anutusa ani akoona Anutusa maridaqa. Anee sia Isipa maqasaa ooqu firaranara rufiaa. Mi maqanasaa ooqu marinaqa ani aiku asauku firaa maqanaasaikamma nisaanaura.

Oosana 35:11

Miqi qimaseenoo Anutufa kafaa Yakooboona maaqi qimasee qimaminau. Qinee aiqama afeeka faqaa Anutusa maridaqa qimamidaqa. Anee moomoo faiqi faqaafa maria. Akaqa maqannaasa ani aiku asaukukiqari marifaranoo. Anee karaambaiqauqa ninaakufa marinnaranoo.

Oosana 28:3

Aiqama afeeka faqaa Anutufa ani faqa ani anaaqa faqa amiqi amiqimma nimaqaseenoo moomoo faiqi nimisainana anee moomoo maqannaasa nikoofa marinnara.

Oosana 26:4

Qinee anisaa ani aruaki kambiqainausa fasaura foora moomoo amianaura. Qinee maa maqa maaqana misa nimianaura. Aiqama maqannaasa aniree maaqi qimasee innaaru qifaranoo. Oo Anutu anee Isakeena aiku asauku amiqi amiqimma nimaqoonandee inana maasa faqa amiqi amiqimma qimaqaa.

Oosana 21:13

Ani ainainira anaasee faiqi faqa qinee dadaaqiananoo moomoo faiqi maqasainaqa moo maqannaasara foora marifaranoo. Mifa faqa ani faiqi kai maridanoo.

Oosana 18:18

Mina saaqari kambiqainausa firaa maqannaa marifaranoo. Aiqama maqannaasa Abaraqaammana saaqaraanannai amiqi amiqimma nimaqaanaura.

Oosana 17:20

Isamaeerana faqa anee qianandee, mina faqa amiqi amiqi ianaura. Mina faiqi namu moomoo uqanna kambiqeefara. Akoonaiqiuqa qisauku qara taikasee qikunni ooqu qaaraqanda 12 marasee uriqararausa marifara. Mina saaqari kambiqainausa firaa maqannaa marifaranoo.

Oosana 17:16

Qinee Saraqa nammarina amiqi amiqi maisaananoo faiqi akoonaiqi ani maqa amiannoo. Mifa moomoo maqannaasa ninoofa marinaqa mina faiqi namukiqari akaqausa karaambaiqauqa marifaranoo.

Oosana 17:6

Qinee ani faiqi asumu moomoo amianaqa misakiqari akaqausa karaambaiqa marifara. Ani asaifaqausa moomoo maridaqa moomoo maqannaa marifaranoo.

Heeburu 11:12

Abarahaamafa kuqinoora foora inoo marufaqa mina faiqi namu kambiqeeqa fasau nukuda miqirausa kambiqaqau.

Oosana 16:10

Angiroo fannoo kafaa qimaminoo qinau. Qinee moomoo asumu ani amianaqa sia amana asaana rifaranoo.

Oosana 17:2

Qinee ani faqa qeeqa moodaanaki kira ufa qimasee anisaaqari asumu moomoo kambiqa nimaqaanaura.

Oosana 32:13

Yakooboofa miqi qimaseenoo innaaru qimaseenoo mi eendanaki miqoo faiqeenoo iaqoofanoo narí aandau Eesauna amiraree qimasee raina quqanau.