Oosana 13:13 - Anutuna Ufa

¹³ Soodooma maqannaasa kaaqa mandainaina maree marusa maridaqa. Karaambaiqa afusaa oosana oosana mandainaina uqanna auqee mariqau.

Oosana 13:13 Referans Kwoze

2 Peetooroo 2:10

Anutuna ufara fidiaqaammasee nári manda nipata manda nidiramau fimariasa misa narira oosanara faqa Anutufa firaaqoo iridanoo. Unnaqira amaana ufa uqannifiqee mariasa misa inniki paasoosida aanooqidaqa maridaqa. Innaarunai kaaqa qee mariasara faqa sia naaquqaifaqa rufiaidaqa mandufa kai qangiroouqa faqa nimidaqa.

Yudeesa 1:7

Innee Soodooma maqusa faqa Koomoora maqusa faqa misaqa maru maqusanaasa faqa innee iridee. Misa manda qangiroo naanna reeqa nári qimaqoomau fiqa faiqí anaasee narí ummuari narí ummuari iqa faiqí narí aqoonna fasiqa ummuariqa oosana oosana mandainaina faqa maroofanoo Anutufa aiqamausa mi oosanna qafeeqa rufiaaqee qimasee naaru marira idaki misa quqanau.

Roomma 1:27

Faiqí miqi kai iqa nári ninaaqmaaka faqa amiqira oosana minnisee nariara nariara ridaqa idara foora nitakuqidanoo. Faiqí misa narinni narinni nisaurira ainaina maraseeqa mina akiaqara nári nifaaqasaa aurirana aidafirana marasee aupuraidaqa.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Mataioo 9:13

Innee tamummaqara fasiqa akara anoonara oonu randasee qafaaqa. Mifa maaqi qimasee akara rinau. Qinee Anutusa sia tatufira aandau aina fee oosana oosana ainaina fee qimiranara dididanoo, faiqí anaasee nariara nariara nimuqusifaqa nifauee mariana minauqara qini dididanoo, Anutufa miqi qimaqoofaqa qinee Yisusa mimau fidaqa maaqi qidaqa. Sia qinee andeeqee mariasa naarararee qimasee qumu maridaqa innee manda fasiqa anaasee fee qimasee nifaqee mariasa misa Anutufinnai ubeekaaqeera naarararee qimasee qumuafanausa maridaqa.

Oosana 18:20

Miqi qimiriseenoo Yaaweefa Abaraqaammana akooqoo kooroommasee qimaminau. Soodoomma maqusanaasa faqa Koomoora maqusanaasa faqa manda oosana fiqaranoo marifaqa akaqausa minara nikoo uqanna qaifaqa qimaqimiafaqa iriqa.

Yoohanee 9:31

Anutufa sia manda oosana maree mariasa dadaaqidanoo. Faiqí anaasee minara rimariasa mina ufa irimariasa misa kai Anutufa dadaaqidanoo.

Mataioo 9:10

Yisufa marikinoo Mataioona maaqai mina faqa narana narara finau. Yisufa narí faiqi namufaqa mina maaqaki ooqumarifi narana neemarufaqa faiqí maqusa maqusa munnimma takisa maraqanusa faqa oosana oosana mandainaina maraqanusauqa faqa Mataioona faqa ani ooqumarifufaqa narana naqau.

Oosana 38:7

Eerana marirafa Karaambaiqa afusaa mandaika uqanna ufanoo kuqa arinau.

Oosana 15:16

Ani aiku asauku qaara faqa qaara faqa oosana mi rumbaranakiqari oonu randee anifaranoo. Qinee sia Amoora maqannaasa dauni naru taikaanaura. Misa kaaqa mandaika uqanna ifaqa miqoo misa naru nindaqaaqa masee ani aiku asauku miqoo quqaanaura.

Oosana 10:9

Karaambaiqa dadaaqufanoo mifa amudaanai qimasee uaqee marufa marinau. Miqi marunara faiqí anaasee maaqi qimasee akaqausara qimariqau. Karaambaiqa fannoo ani Nimarooda fara foora kaaqa amudaanai qimasee uaqee mari fara foora maisaannoo.

Oosana 6:11

Aiqamausa Anutuna afusaa mandainainaki mariqau. Faiqí narari nararirafa aiqama maqa maaqaki qumbiqanoo marinau.

Yoohanee 9:24

Yuda maqannaa uriqararausa mina iriseeqa afu dimbarana kafaa aaramasee qiqau. Anee Anutuna afusaa kuqaa anoona ufa kai maasa qimannimia. Ani afu maqaifa mifa mandainaina maree marifa maridanoo.

Oosana 39:9

Qinee maa maaqanaki rakisira afeeka mifa uaqeeindee kai masee uaqee idaqa. Mifa sia moo ainaina qini kukeeqa qimaqa qaifanoo maridanoo aiqama ainaina qimiqaifanoo, ani kai sia qimiqaifanoo. Naqi fee mandee fee qinee maa manda oosanna auqamasee fee Anutuna mandaikamma amaqaanauree.

Oosana 19:13

Maasa maa maqusana damunamma aquanaura. Karaambaiqa maa maqusanakina oosana oosana mandainaina kambiqaifanoo mi ufana iriseenoo maaqanda diqiqaifaqa maa maqusana kuridirara qumidaqa.