Oosana 12:8 - Anutuna Ufa

⁸ Suqa amiseenoo Abarammafa findifinoo aaqana maqa maaqai ooru finau. Beeteera maqusa fannoo suani keeqoo qaannai marufanoo suani oosana qaannai Ai maqusa marufanoo qambaanai narí uiqaana maqa usakanau. Usakaseenoo miqoo Karaambaiqa aadau tatufira ooni qainda faqa auquseenoo Anutuna aaramaseenoo innaaru qimarinau.

Oosana 12:8 Referans Kwoze

Oosana 4:26

Seetafa innooqafinoo akoonaiqi Eenoosana maqanau. Eenoosafa maru kamuqooqari oosana arasee misa Anutunara innaaru qidaqa minara naaqura Karaambaiqee Yaawee fee qidaqa innaaru qimariqau.

Oosana 21:33

Miqanda fufanoo Abaraqaammafa tamarisika saqari Beeraseeba maqusai ummaquseenoo naaru naaru marira Karaambaiqa Anutunara innaaru qimarinau.

1 Koorinti 1:2

Innee Koorinti maqusai Anutuna ufara suqimariasa akara rumannimaqaidaqa Anutufa inniara narí aiku asauku mariaqeera utaaqamaqaisa mariafanoo, innee mina asauku mundirana Yisunasaa atooqaanara Anutunaindi kammiqa mariafanoo, Anutufa narí faiqi namu mariaqeera narí innai fuaqeera inni naareenoo, sia innee kai minaindi mariafanoo, aiqama maqanaa maasa karaambaiqa asauku mundirana Yisuna aaree mariasa misa faqa innee faqa minaindi mariafanoo. Yisufa misa faqa maasa faqa karaambaiqa maridanoo.

Oosana 28:19

Akuamaqaseenoo mi maqanara Beeteera fee qinau. (Mi auquna oosana Anutuna maaqa fee qinau.) Ooqai miqoora misa Rusa maqusa fee qimariqau.

Oosana 13:4

Ooqai mifa miqoo tatufira qainda auquqoo ooqureenoo Karaambaiqa innaaru qimamaqanau.

Idi Ufa 116:4

Qinee miqiqa maridaqa Yaaweena qeeqa qimuqusiranakiqari maaqi qimasee innaarukiqari qimamiqiafana. Oo Yaawee anee qini asumu mara quqaannee qidaqa.

Oosana 35:3

Maasa maaqooqari quqasee Beeteera maqa maaqai oonureeqa qini ummaara aukuana dadaaqi mari Anutuna qinee aiqama atinai nunanoo qini faqa mari Anutuna tatufirana suqara qainda auquanauranoo.

Heeburu 11:9

Abarahaamafa miqooqari aanaamuruara foora Anutufa qima afeekaikammaqoo maqa maaqanaki oonu marinau, Anutunasaa irirana rusiranannai kai miqinau. Narí maaqa uqanna ooqai maruna maaqa uqannaki marinau. Mi maqa maaqana minnisee fuka maqasaa narí faqa Yakooboona faqa Isakeena faqa uqiqaana maaqaki kai marusa mariqau. Aandau apatannai auqira uqiqaana maqaki mariqau. Miqanda faqa Anutuna qima afeekaikirana maree marusa mariqau. Miqanda faqa Anutuna qima afeekaikira ufa irisee mariqau.

Oosana 8:20

Nooafa rafudamafufanoo karaambaiqa tatufirana suqarara ooni qumareenoo aaku aakummaseenoo Anutuna afusaa anukara aandau faqa ufini faqa maraseenoo muduka Anutuna tatufirana suqa aminau.

Oosana 13:3

Mifa miqooqari quqasee fifiiufanoo Beeteera maqusa amummaqa fimarinau. Mifa ooqai narí Beeteera maqusa faqa Ai maqusa faqa qambaana uiqaana maqa usakaqooqoo ooqu ranau.

Oosana 13:18

Abarammafa minara iriseenoo narí uiqaana maaqa rapeemma mareenoo Heebaroona maqa maaqaki Mamareena saqariuqa atukaki ooqureenoo miqoo Karaambaiqa tatufira qainda ooninnai auquseenoo tatufirana suqa aminau.

Oosana 22:9

Miqanda Anutufa qimaqoo aaqannasaa ooru reeqa Abaraqaammafa ooniuqa mareeqee aaku aakummaseenoo ida mina amuaaqa quqaseenoo narí faiqi Isakeena ruumbaseenoo rafusu idasaa rusinau.

Oosana 26:25

Isakeefa Karaambaiqa mi ufana iriseenoo ooninnai qainda auquseenoo Karaambaiqa aandau tatufirana minasaa suqa amiseenoo innaaru qinau. Miqoo Isakeeefa narí uiqaana maqa burimakau apatannoo usakaseenoo marinau. Minaki maridanoo narí ainainira fasiqauqa niiqoofaqa moo nammari madika indufiqau.

Oosana 31:25

Yakooboofa aaqanasaa narí uiqaana maqa usakaseenoo marufanoo Rabannafa narí ainaina faqa oonu reenoo mifa faqa narí uiqaana maqa Kiriata amuaqu namusaa usakanau.

Oosana 33:20

Feefauru maseenoo tatufirana suqara qainda auquseenoo mi kaqikaa maqusana auqureenoo Eeraa fee qinau. Mi auquna oosana Isaraee maqannaasa Anutu fee qinau.

Oosana 35:7

Mifa miqoo oonureenoo tatufirana suqara ooni qainda auquseenoo mi maqusanaki Anutufa uainaina afaafau reenoo Beeteera fee qinau. Yakooboofa ooqai narí afasaanara rufiasee sandeenoo miqoo aniroofanoo Anutufa miqoo mina afusaa kooroouqoo marunara auqureenoo Beeteera fee qinau.

Rafudoo Akarafa 17:15

Rakirafa taikafufanoo Mooseefa ooniuqa qumareenoo mi maqa maaqanaki qainda auquseenoo mi qaindana auqureenoo Yaaweefa qini rakira saqari fee qimasee mi qaindana auqu ranau.