Oosana 12:2 - Anutuna Ufa

² Miqoo oonu marinaqa ani faiqi moomoo amiananoo maqa maaqa qumbiqafi marifara. Qinee ani amiqi amiqimma amaqasaanana anee auqu faqaafa marinnaranoo. Miqimma finaqa anisaaqaraa amiqi amiqirana faiqí anaasee mareefaranoo.

Oosana 12:2 Referans Kwoze

Karatia 3:14

Asauku mundirafa saqarisaa dirifi kuqinau. Anutufa ooqai Abarahaamanasaaqaraa amiqi amiqirana aanaamuru mariasa nimianifee qimasoofanoo asauku mundirafa saqarisaa dirifi kuqinau. Asauku mundirana Yisunannai aanaamuru mariasa Anutufa Abarahaamanasaa qima afeekaikira amiqi amiqirana misa faqa raina mareefaranoo. Maasa faqa qeeqa Yisuna saqarikiranannai Anutufa narí maraquna nimiraree quna faqa maraanaura.

Oosana 18:18

Mina saaqari kambiqainausa firaa maqannaa marifaranoo. Aiqama maqannaasa Abaraqaammana saaqaraanannai amiqi amiqimma nimaqaanaura.

Oosana 35:11

Miqi qimaseenoo Anutufa kafaa Yakooboona maaqi qimasee qimaminau. Qinee aiqama afeeka faqaa Anutusa maridaqa qimamidaqa. Anee moomoo faiqi faqaafa maria. Akaqa maqannaasa ani aiku asaukukiqari marifaranoo. Anee karaambaiqauqa ninaakufa marinnaranoo.

Oosana 46:3

Qufanoo Anutufa qimaminoo qinau. Qinee Anutusa ani akoona Anutusa maridaqa. Anee sia Isipa maqasaa ooqu firaranara rufiaa. Mi maqanasaa ooqu marinaqa ani aiku asauku firaa maqanaasaikamma nisaanaura.

Oosana 26:4

Qinee anisaa ani aruaki kambiqainausa fasaura foora moomoo amianaura. Qinee maa maqa maaqana misa nimianaura. Aiqama maqannaasa aniree maaqi qimasee innaaru qifaranoo. Oo Anutu anee Isakeena aiku asauku amiqi amiqimma nimaqoonandee inana maasa faqa amiqi amiqimma qimaqaa.

Oosana 24:35

Karaambaiqa firaaqoo qini uriqararana amiqi amiqimma amaqaseenoo ainaina faqaafaikamma amaqeenoo. Karaambaiqa sipsipauqa faqa burimakauqa faqa siruaa faqa koora faqa ainainira fasiqauqa faqa maanaaqauqa faqa kammeerauqa faqa doonkiuqa faqa moomoo aminoo.

Karatia 3:7

Qinee Pauroosa minara maaqi qidaqa innee Karatia maqannaasa amiqimandee maana iriaqa. Kuqaa Yuda maqannaasa Abarahaamana maqasaaqaraa ati mina moodaa maqannaasa mariafanoo Anutufa Abarahaamana atiara moosee qidanoo maaqi qidanoo. Abarahaamana aanna reemariasa Anutuna ufasaa irirana rusimariasa misa kai Abarahaamana aiku asauku anoona uqanna maridaqa.

Oosana 13:16

Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.

Oosana 15:5

Miqi qimaseenoo Karaambaiqa Abarammana afiqee madaanai muquseenoo qinau. Innaarunai qafamaseenana fasau amanee anee asaana rinnaree. Aniki ani aruakinausa miqimmasee kambiqeefara.

Rafudoo Akarafa 32:10

Doo firaaqoo qini qirana qaifaqa misa kuridi taikasaanaura. Anee sia qiniara qaoo qia. Miqimmaseeqa ani faqa anisaa ani aruakinausa faqa kai amiqi amiqimma nisaanaqa firaa maqannaa marifaranoo.

Oosana 28:14

Ani aiku asauku anisaa ani aruakinausa faqa nukudara foora maa maqanasaa marifaranoo. Misa miqooqari kambiqamaree suani oosana qaannai finanoo aramareenoo keeqee mari qaannai finanoo dinni dinni ataaqeenni finanoo miqi mambi amana kai marifaranoo. Ani faqa ani aiku asaukuaroo qiqa aiqama maqannaasa amiqimma nimaqaanaura.

Oosana 27:29

Moo anaamuru marinausa ani ainainira faiqi kammambi faranoo. Maaqanna maaqanna mariasa misa ani ani qafeeqa noorindari maqasaa kummaree faranoo. Anee aneenna akaqaafasaauqa firaafai kina marinnaranoo. Ani anoona faiqi namu ani ani qafeeqa noorindari maqasaa kummaree faranoo. Moo fannoo ani aqinafa mi ufafa nariki kai mariannoo. Moo fannoo ani amiqi amiqimma amaqainafa nariki faqa mariani.

Oosana 19:29

Anutufa mi afaasanasaa maru maqusausa faqa maqa maaqa faqa kurididanoo Abaraqaammanara iriseenoo Rootafa mariu maqusausa naridanoo Rootana kai mareeqee kaqinni quqanau.

Oosana 18:19

Abaraqaammafa narí faiqi namu faqa misasaaqari kambiqainausara faqa andeeqara oosanamau kai fuaqeera fuki faaki ianifeera rusandeesamummasee maraqiafana. Misa miqi faqa qinee qima afeekaikiafanna ainainausa aiqama miqimma nisaanaura.

Oosana 24:1

Doo Abaraqaammafa kaaqa nauraiqi marinau. Karaambaiqa Abaraqaammafa aiqama auqoo ainainna amiqi amiqimma amaqee marinau.

Oosana 25:11

Abaraqaammafa kuqufufanoo mina amaaku Isakeena Anutufa amiqi amiqi imarinau. Isakeefa kaqi marira nammari dikaanda qini qiqafaidanoo fee qimaru nammari dikaandana aaqa marinau.

Oosana 26:3

Maaqoo kai marinaqa qinee ani faqa marida amiqi amiqida dadaaqianaura. Maa maqa maaqana faqa anisaa ani aruakinausa faqa nimianaura. Qinee minara Abaraqaammana ufa qima afeekaika masee amianauroo qiafannana doo ani faqa qima afeekaikiqa amianauranoo.

Idi Ufa 107:38

Yaaweefa mi fasiqa anaaseesa narí aiku asauku amiqi amiqimma nimaqoofaqa misa miqoo moomoo kambiqeeqa aramaree fimariqau. Misa firinee maru aandausa mifa dadaaqufanoo sia oodaa mariqau. Misa faqa moomoo kambiqeeqa aramaree fimariqau.

Oosana 17:20

Isamaeerana faqa anee qianandee, mina faqa amiqi amiqi ianaura. Mina faiqi namu moomoo uqanna kambiqeefara. Akoonaiqiuqa qisauku qara taikasee qikunni ooqu qaaraqanda 12 marasee uriqararausa marifara. Mina saaqari kambiqainausa firaa maqannaa marifaranoo.