Oosana 12:15 - Anutuna Ufa

¹⁵ Isipa maqannaasa rakisirafa Faraoona mina faiqi namu Sarai nammarina qafamaseeqa Faraoona qimamiqa qiqau, qoo amiqira manaaqa fee qufanoo Faraoofa qimannimufaqa Sarai nammarina ani mareeqee Faraoona kinna maaqaki quqaqau.

Oosana 12:15 Referans Kwoze

Oosana 20:2

Keeraara maqusaki kaqi maridanoo Abaraqaammafa narí aanaaqara Saraqa nammarinara qini dauna fee qinau. Keeraara maqannaa karaambaiqa mina auqu Abimeereekafa marinau. Mifa Abaraqaammana ufa iriseenoo Saraqa nammarinara mina auna fee qimaseenoo narí ainainira faiqiuqa niqiqoofaqa Saraqa nammarina mareeqeeqa Abimeereekana amiqau.

Heeburu 13:4

Innee aiqamausa faiqí anaasee nimundaranara uriqarara ainainee qiaqa. Faiqí aneesee aqumummasainafa sia moonaindi quandaki qumaraa. Aiqamausa inneeqa nammari kai neeqa andeeqasee mariaqa. Faiqí anaasee dapi narí maree narí maree qiqa nuasa faqa qummuariqa nuasa faqa Anutufa ufa iriseenoo naruannoo.

Aaquqira Ufa 29:12

Uriqararafa unna ufa irimarifa marinaqa aiqama mina dadaaqimariasa unna ufa qimariasa kai marifaranoo.

Aaquqira Ufa 6:29

Doo miqi kai inoo faiqí moo fannoo narí aqoonnana anaaqa faqa sia faiqaannoo. Miqinafa aupurarana maraannoo.

Idi Ufa 105:4

Innee dadaaqiranara Yaaweena qafaifanoo nimiani. Innee maqee maqee mina amooqiaqa.

Rafudoo Akarafa 2:15

Faraoofa minara iriseenoo Mosena kuqa aruaneera ufanoo Mosefa minara rufiamareenoo Isipa maqa maaqa quqasee Midianna maqa maaqai nianai sandanau.

Rafudoo Akarafa 2:5

Faraoona araamuna fannoo nammari auqararee qimasee Naira nammarinni ooqufufaqa minasaa rakisi maru manaaqausa mina faqa nammarinni ooqufiqau. Mifa nammari auqaidanoo furaaki qafoofanoo uqa marinau. Marufanoo qafamaseenoo narí ainainira manaaqa qimamufanoo mi uqana nammarikinaana maranau.

Oosana 41:1

Qaara aukuana aiqaroofanoo moo eendaki Isipa maqannaa karaambaiqa Faraoofa moo qaina maaqimmasee qafee fee qinau.

Oosana 40:2

Mandaikamma amaqasoofanoo mi qandara aranaqoofanoo narí sundiauqara qufaqa qumaraqau.

Oosana 12:14

Abarammafa Isipa maqa maaqai aniroofaqa Isipa maqannaasa Sarai nammarina qafamasee boo amiqira fee qiqau.

Oosana 26:7

Keeraa maqannaa fasiqauqa mina aanaaqara iramirufanoo Isakeefa qini qisooki fee qinau. Isakeefa narí anaaqa Reebeekaa nammarifa oori amiqirafa marufanoo qini darusee qini qinaaqa mareefoo qimaseenoo rufia mareenoo qini qisooki fee qinau.