Oosana 12:11 - Anutuna Ufa

¹¹ Isipa maqa maaqa adeedi rama soofanoo Abarammafa narí anaaqa Sarai nammarina qimaminoo qinau. Ani afaaqa amiqirafa mariananoo.

Oosana 12:11 Referans Kwoze

Oosana 26:7

Keeraa maqannaa fasiqauqa mina aanaaqara iramirufanoo Isakeefa qini qisooki fee qinau. Isakeefa narí anaaqa Reebeekaa nammarifa oori amiqirafa marufanoo qini darusee qini qinaaqa mareefoo qimaseenoo rufia mareenoo qini qisooki fee qinau.

Aaquqira Ufa 21:30

Faiqí faiqi irirana faqa amiqira irirafa faqa sia ani dadaaqiannoo. Anee Yaaweena namuqaakiannanara sia dadaaqiannoo.

Oosana 29:17

Reeaa nammarifa indaaruqaafa amiqira oori afiri faqaafa marinau. Raseera nammarifa mina faqa arusee kaaqa amiqirafa uqanna marinau.

Oosana 12:14

Abarammafa Isipa maqa maaqai aniroofaqa Isipa maqannaasa Sarai nammarina qafamasee boo amiqira fee qiqau.

Oosana 20:2

Keeraara maqusaki kaqi maridanoo Abaraqaammafa narí aanaaqara Saraqa nammarinara qini dauna fee qinau. Keeraara maqannaa karaambaiqa mina auqu Abimeereekafa marinau. Mifa Abaraqaammana ufa iriseenoo Saraqa nammarinara mina auna fee qimaseenoo narí ainainira faiqiuqa niqiqoofaqa Saraqa nammarina mareeqeeqa Abimeereekana amiqau.

Oosana 24:16

Mina oori afiri amiqi amiqi irafa sia auqu marufa aniroofanoo qafoofanoo ooqu nammari saka maree urinau.

Oosana 6:2

Maqasaa fasiqauqa Anutuna faiqi namu mi manaaqausa nindafoofaqa nifu noori amiqirausauqa kai marufaqa nári nidimarusa maree mariqau.

Oosana 20:13

Anutufa qiniara aneenna akoona maqusa minnisee anaamurinni nuannee qufaqa qinee Saraqa nammarina qimamiqa maaqi qiqiafana. Anee qiniara qini uriqarara fee qinana qiniara qini qifasaa fee qia.

Aaquqira Ufa 29:25

Anee faiqiara rufieenana aneenna ufaana fufi mariananoo minaki aneenna arinnaranoo. Yaaweena saqariki marifa amiqiranaki maridanoo.