Oosana 12:10 - Anutuna Ufa

¹⁰ Miqoo marufanoo aandaroo firaafa Kannaa maqannaasa narinau. Abarammafa mina qafoofanoo mandaikufanoo narí aiku asauku faqa narí ainaina namu faqa Isipa maqasaa ooqu finau.

Oosana 12:10 Referans Kwoze

Oosana 43:1

Kannaana maqa maaqaki aandaroo firaafa narinoo mandaika uqanna inau.

Yoohanee 16:33

Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

Idi Ufa 107:34

Mi maqa maaqanaki mariusa mandoosana akiiqara Yaaweefa misa maqa ainoo faqaana kafaa mara indiri maqaika masanau.

Idi Ufa 105:13

Isaraeerana akeeku akaaku maaqa maaqa aiqama maqusa maqusa oonuree aniree iqa nimariqau.

Idi Ufa 34:19

Andeeqara fasiqa anaasee ummaara oosana oosana fannoo aupurarana nimifanoo, Yaaweefa minakinaana aiqama mareeqee amiqiraqoo quqannisaidanoo.

Oosana 47:13

Aandaroo firaafa uqanna imarufanoo sia uqanna aiqama tinai narana marinau. Isipa maqannaa fasiqa anaasee faqa Kannaana maqannaa fasiqa anaasee faqa naararoofaqa ummooquka iqa nimariqau.

Oosana 42:5

Aandaroo firaafa Kannaa maqa maaqaki nári marunara Yakooboona faiqi namu faqa moomoosa faqa narana feefaurirara ooqu fiqau.

Oosana 41:57

Aiqama maqa maaqaki maru fasiqa aanaaseesa aandaroo firaafa naru faqa aiqama atinaindari narana feefaurirara Yooseefaa funnai Isipa maqa maaqaki aniqau.

Oosana 41:56

Aandaroo firaafa Isipa maqa maaqaki aiqama atinai firaaqoo narufanoo Yooseefaafa aiqama afeedira maqauqa atuqasoofaqa Isipa maqannaasa narana feefauri mariqau.