Oosana 12:1 - Anutuna Ufa

¹ Abarammana akoofa Teeraafa kuqufanoo Karaambaiqa Abarammana qimaminoo qinau. Aneenna maqa faqa aneenna aiku asauku faqa aneenna akoona maqa maaqakinaa ainaina faqa quqasee minniseenana maqa maaqa moo uqafiqaanana miqoo fua.

Oosana 12:1 Referans Kwoze

Heeburu 11:8

Abarahaamafa faqa Anutunasaa irirana rusi marufa marinau. Anutufa Abarahaamana aaramaseenoo qimaminau. Anee anirainaqa fuka maqa maaqa anindi kianinnana uqafiqaanaura, anee miqoo fua. Miqi qufanoo Abarahaamafa iriseenoo narí irirana Anutunasaa rusiranannai eedoo qimasee narí maqa maaqa minnisee sia qafee maru maqa maaqanaki kaqimbinau.

Oosana 15:7

Miqi qimasee Karaambaiqa Abarammana qimaminoo qinau, qinee Karaambaiqa ani Ura maqusakinaana Babiroonia maqa maaqaindaraana afiqee minisee maa maqa maaqana amiananoo anindikianifee qimasee afiqee aniqiafana.

2 Koorinti 6:17

Minara karaambaiqa maaqi qimasee qimannimidanoo. Mandoosana maree mariasa faqa moodaa maqusaki maridaqa misa mandoosanara eerairiaqa. Innee mandainaina maree mariasa mandoosanara rufiasee sia mina umaraaqa. Innee miqidaqa anukaranaki marifaqa qinee aiqama ainaina uriqarara karaambaiqa fannoo inniara qinindi fee qinaqa innee qini faiqinamu qini qiraamummaaka marifaranoo.

Uqafiqoo Ufafa 18:4

Mi qanqiroofa miqi qimasoofanoo innaarunaindaraa ufa qinee Yoohaneesa moo iriqiafana. Mifa maaqi qimasee Anutuna ufa irimariasa qimanniminoo qinau. Oo qini qiku qisauku innee mi maqusanakiqari doo aniaqa. Innee sia misa mandoosanaki keeqaaqa miqiqa sia misa nariranaki faqa keeqaaqa.

Oosana 20:13

Anutufa qiniara aneenna akoona maqusa minnisee anaamurinni nuannee qufaqa qinee Saraqa nammarina qimamiqa maaqi qiqiafana. Anee qiniara qini uriqarara fee qinana qiniara qini qifasaa fee qia.

Oosana 24:4

Anee qinee kambiqaafanna maqusanai oonuree qini atikinaa maanaaqa mara maree Isakeena muqu amia.

Oosana 26:2

Isakeefa Keeraa maqusai oonu marufanoo Karaambaiqa maaqi qimasee qimaminoo qinau. Anee sia Isipa maqa maaqai ooqu fua. Maaqoo qinee aniara mariannee qunnaqoo kai maria.

Oosana 24:7

Yaaweefa innaarunaindaraa Anutufa qeeqa qikoona maqusaindaraana faqa qeeqa ainaina maqasaaqaraana faqa mara mareenoo maa maqa maaqanasaa quqaqoosa maridaqa. Mifa qima afeekaikammasee qini faqa qini qiku qisauku faqa maa maqa maaqana nimianauree qinau. Mifa narí angiroo aiqainanoo ani afunni finana ooru qini qimaaku anaaqa afiqee quminnaranoo.

Oosana 24:38

Anee ooru qini qikoona maqannaasaki qini atikinaa maanaaqa mara maree muqusee qini faiqi amia.