Oosana 11:5 - Anutuna Ufa

⁵ Mi maqusana auquseeqa kisaaqa maaqa faqa usakasoofanoo Karaambaiqa qumu nindafeenoo maaqi qinau.

Oosana 11:5 Referans Kwoze

Oosana 18:21

Qinee ooqureeqa mi fasiqa anaaseesa mi oosanna auqee mariana qafaanaura kuqaa fee unna fee maridanoo fee.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Rafudoo Akarafa 19:11

Deeda qimarifaqa duna kaqi mari moona qinee Sinai aaqanasaa qumuraanaqa aiqama faiqí anaasee qini qiqafeefaranoo.

Idi Ufa 11:4

Yaaweefa narí naaquqara amaana maqaki maridanoo, mina ufirira qaari innaarunai ufiqinoo marifanoo minasaa maridanoo. Miqooqari mina afu fannoo aiqama fasiqa anaasee aiqamatinai nindafaidanoo. Misa auqee marianara iridanoo.

Rafudoo Akarafa 19:20

Yaaweefa Sinai aaqanasaa qumureenoo Mooseena aaroofanoo oorufinau.

Rafudoo Akarafa 19:18

Yaaweefa idauruki qari Sinai aaqanasaa qumu marunara ida muna fannoo aaqana aiqama rafaaqafinoo marinau. Mi munafa firaa ida munara foora ooru fufaqa faiqí anaasee qafoofanoo firaaqoo naindiri ranau.

Rafudoo Akarafa 3:8

Qinee innaarunaindari qumuree Isipa maqannaasa nisaukukinaana mareeqee firaa maqa maaqa ainoo faqaa maqa aiqama ainaina rairaa imariqoo quqaanauranoo. Mi maqanasaa Kannaana maqannaasa faqa Heeta maqannaasa faqa Amoora maqannaasa faqa Peerisita maqannaasa faqa Hifita maqannaasa faqa Yeebusa maqannaasa faqa misauqa mariaqoo quqannisaanaura.