Oosana 10:9 - Anutuna Ufa

⁹ Karaambaiqa dadaaqufanoo mifa amudaanai qimasee uaqee marufa marinau. Miqi marunara faiqí anaasee maaqi qimasee akaqausara qimariqau. Karaambaiqa fannoo ani Nimarooda fara foora kaaqa amudaanai qimasee uaqee mari fara foora maisaannoo.

Oosana 10:9 Referans Kwoze

Idi Ufa 52:7

Misa mi manda fasiqanara maaqi qimasee uteeti qifaranoo. Maa fasiqafa sia Anutunasaa mundidanoo. Sia mina dadaaqianifee qidaqa. Narí moomoo ainainasaa mundinoo maridanoo, mifa narí firaa qumiasanara qini dadaaqiannoo fee qidanoo. Mifa narí manda oosanara qini itita qimaqaannoo fee qianoo

Oosana 27:30

Miqi qimasee Isakeefa Yakooboona afaaqooqa qimamaqa soofanoo Yakooboofa narí akoona maaqakiqari raudamakufanoo dindanai fufanoo doo Eesaufa dindanai uaqanoo niniufa aniranau.

Oosana 25:27

Miqanda innooqafufaqa Eesaufa uaqarana akoofasa maridanoo sia ooqu marufa kaqi niranara aidimarufa marinau. Miqi marufanoo Yakooboofa sia miqi marinau. Fifirafa maridanoo maqusasaa marufa marinau.

Oosana 13:13

Soodooma maqannaasa kaaqa mandainaina maree marusa maridaqa. Karaambaiqa afusaa oosana oosana mandainaina uqanna auqee mariqau.

Oosana 6:11

Aiqamausa Anutuna afusaa mandainainaki mariqau. Faiqí narari nararirafa aiqama maqa maaqaki qumbiqanoo marinau.

Oosana 6:4

Mikari faqa kasooqaqee faqa maqasaa fasiqauqa Anutuna faiqi namu faiqí niraamuna maraqa ninii soofaqa faiqi maqee mariqau. Mi faiqisa nimudaani faqaasa murusaqa arirausa maa maqanasaa maridaqa nuqu faqaasa mariqau.

Oosana 10:8

Kusafa akoonaiqi Nimaroodana maqanau. Nimaroodafa findifinoo maa maqa maaqanaki indaaruqaa rakira karaambaiqa marinau.

Oosana 10:10

Nimaroodafa Baabeera maqusa faqa Eereeka maqusa faqa Akada maqusa faqa mi maqusa namuna indaaru rakisimarinau. Mi maqusa namusa Babiroonia maqa maaqaki mariqau.