Oosana 10:15 - Anutuna Ufa

¹⁵ Kannaana faiqi namu nuqu maaqimminoo marinau. Indaaruqaafa Sidoonafa marinau. Mina aanaaqiannaafa Heetafa marinau. Miqanda nári ninaakusa nuqu marasee mariqau.

Oosana 10:15 Referans Kwoze

Rafudoo Akarafa 34:11

Qinee maqee qimannimianna sandufana amiqimasee irisee mimau fuaqa. Qinee Amoora maqannaa faqa Kannaana maqannaa faqa Heeta maqannaa faqa Peerisa maqannaa faqa Hifita maqannaa faqa Yeebusa maqannaa faqa inni noorinni fidaqa misa nifaqasaana fifaranoo.

Oosana 23:3

Abaraqaammafa narí anaaqa kuqirana mafi quqasee Qeetana aiku asauku maruqoo oonureenoo maaqi qimasee iramirinoo qinau.

Rafudoo Akarafa 3:8

Qinee innaarunaindari qumuree Isipa maqannaasa nisaukukinaana mareeqee firaa maqa maaqa ainoo faqaa maqa aiqama ainaina rairaa imariqoo quqaanauranoo. Mi maqanasaa Kannaana maqannaasa faqa Heeta maqannaasa faqa Amoora maqannaasa faqa Peerisita maqannaasa faqa Hifita maqannaasa faqa Yeebusa maqannaasa faqa misauqa mariaqoo quqannisaanaura.

Oosana 49:13

Miqi qimasee Yudana qimamiseenoo Seeburunana quandafi afaaqooqa qinau. Seeburuna, anee ooruku nammari afainni marinaranoo. Sipauqaindi nammariara rufiasee ani mandaaqasee marifara. Ani maqa maaqa oosu Sidoona maqa maaqa ati raquru aminoo mariannoo.

Oosana 24:3

Qinee aniara Karaambaiqa innaaruna faqa maqa faqa auqu Anutuna auqusaa qima afeekaikamasee sia qini qimaaku Kannaana maqannaa anaasee mara amiannee qidaqa.