Oosana 1:7 - Anutuna Ufa

⁷ Miqi qimaseenoo Anutufa innaaruna kaqi saqanna auqu quqaseenoo nammari raina mianni faqa mirinni faqa quqanau. Quqasoofanoo doo miqinoo marinau.

Oosana 1:7 Referans Kwoze

Idi Ufa 148:4

Innaaruna meerai uqanna marianafa anee faqa Yaaweena amooqia. Innee mirinni innaarunai maria nammarisa innee faqa mina kai amooqiaqa.

Mataioo 8:27

Miqi qufaqa ufai faqa nammari faqa firaaqoo uqiufa kasoomafufaqa mina faiqinamu naaquqoofaqa qiqau. Maa fasiqafa naqira fee maridanoo fee. Ufai faqa nammari faqa mina ufa irisee eedoo qidaqa.

Oosana 1:9

Qaaramoo faasaanaikufanoo Anutufa kaifaa qinau. Maqasaa nammari suqufinoo moodaanaki mandi finanoo maqa aadana koorooianifeera qimasoofanoo miqimminoo marinau.

Oosana 1:15

Mi qoomausa innarunaindari maqasaa kaaqa qamannimaqaani qufanoo miqimminau.

Oosana 1:24

Miqimma fufanoo Anutufa qinau. Maqa fannoo oosana oosana kasirana faqaa aandauqa maqaani. Maaqeena aadau faqa kaasau aandau faqa firaana faqa kaqikaana faqa maqa fannoo maqaani qufanoo miqimminau.

Oosana 1:11

Asasammaseenoo fuka maqasaara Anutufa qinau. Andanda oosana oosana kambiqaani, oosana oosana andanda neemaru ainainna aqama faqa kambiqaanni, oosana oosana aqama ireemari saqarisa faqa kambiqaannee qufanoo miqimminau.

Idi Ufa 104:10

Yaawee anee qunaqa maqakiqari nammari uqa urureeqa noopundu runna qumidaqa. Mi nammarisa aaqana aikundanai fiqu aiquidaqa ooqufidaqa.

Oosana 1:8

Anutufa mi kaqi saqanna auqureenoo innaarunee qinau. Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa inaaqianaa faasaana marinau.

Idi Ufa 19:1

Innaaruna fannoo Anutuna qareenaranara firaaqoo koorooidanoo. Innaaruna fannoo kaifaa Anutufa auqoo ainainausara kooroo idanoo.

Idi Ufa 19:2

Maqee faasaana fannoo Anutuna areenaranara duna faasaana qimamidanoo. Eendirafa miqikai qimasee moo eendirana qimamidanoo.

Idi Ufa 136:5

Mifa narí amiqira iriranannai innaaruna auqufa maridanoo. Mina amuqusirafa naaru naaru marifa maridanoo.