Oosana 1:5 - Anutuna Ufa

⁵ Rakeemma quqaseenoo qafamaseenoo Anutufa kaaqa qaranara faasaanee qinau, asukunara eendaki fee qinau. Miqi qimasoofanoo mikari indaaru oosana araseenoo eendirafa naaree anireenoo aiqaroofanoo iaqarafa aniroofanoo mifa mi iaqarafa faqa mi eendirafa faqa indaaruqaa faasaana marinau.

Oosana 1:5 Referans Kwoze

Idi Ufa 74:16

Asukuna faqa faasaana faqa auqunafa mariananoo. Suani faqa quqoona faqa anee kai quqoonafa mariananoo.

1 Teesaroonika 5:5

Innee aiqamausa kaaqa qaranaki nimariasa faasaanara foora nimariasa mariafanoo sia maasa innisaimbaqa eendakiara foora nimarunausa sia asukunakiara foora nimariasara foora maridaqa.

Idi Ufa 104:20

Oo Yaawee, anee eendirafa mariannee qunanoo eendirafa anifanoo nandakinaa kaasau aandau aina aana nidaqa.

Oosana 8:22

Anutufa minara maaqi qimasee qinau. Maa maqafa kaqi marinaqa qummaqira aukuana faqa narana nara aukuana faqa suara faqa aiqaiqa faqa aaku aukuana faqa suani aukuana faqa faasaana faqa eendaki faqa sia taika nimaqaanaura, kaqi marifaranoo.

Idi Ufa 19:2

Maqee faasaana fannoo Anutuna areenaranara duna faasaana qimamidanoo. Eendirafa miqikai qimasee moo eendirana qimamidanoo.

Eefeesusa 5:13

Mi manda ainainausa mareeqee aiqamausa nifusaa kaaqa qara qoo quqasaifanoo mi manda ainainausa oosana uqanna kaaqa kooroomambuannoo.

1 Koorinti 3:13

Asauku mundirafa qumuaninna aukuannai maaqa asaanira oosana aiqamausa nifusaa kooroo iannoo. Mi faasaannana Anutuna ida fannoo aiqama fasiqa ainainirana qamafinoo kooroo iannoo. Mi idafa aiqamausa ainainirana amanamandainanoo mina anoona kooroo iannoo.

Oosana 1:8

Anutufa mi kaqi saqanna auqureenoo innaarunee qinau. Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa inaaqianaa faasaana marinau.

Oosana 1:31

Doo Anutufa narí auqu quqasoo aiqama ainainauqa qafamaseenoo firaaqoo asasinau. Miqimmaseenoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa moodaannai qisauku taikasee dinni moodaa marasee 6 faasaanaikinau.

Oosana 1:23

Miqi qimasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa moodaannai qisaukukinau.

Oosana 1:19

Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa qaara faqa qaara faqaikinau.

Oosana 1:13

Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa qaaramookinau.

Idi Ufa 65:8

Aiqama maqannaasa anee auqee marianna ainainna qafaafanoo naaquqaidanoo. Suani ururee marinnai mariasa faqa suani keeqee marinnai mariasa faqa aiqama ainaina auqee marianna ainainna qafamasee mi aiqama maqannaasa naaquqaifaqa faaqa rumasee aniara asasidaqa.