Oosana 1:31 - Anutuna Ufa

³¹ Doo Anutufa narí auqu quqasoo aiqama ainainauqa qafamaseenoo firaaqoo asasinau. Miqimmaseenoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa moodaannai qisauku taikasee dinni moodaa marasee 6 faasaanaikinau.

Oosana 1:31 Referans Kwoze

1 Timooti 4:4

Anutuna aiqama auqu quqaqoo ainainna aiqama amiqirafa kai maridanoo sia amana moo naranara mandaikira fee qianaura. Aiqama ainaina innaaru qimasee dufi dufi qimasee naaqa.

Idi Ufa 104:24

Oo Yaawee, anee moomoo ainainatia auqu quqoonafa mariananoo. Aneenna amiqira iriranannai kai aiqama ainaina auqu quqoonafa mariananoo. Anee moomoo kasi mari ainainna auqu quqaqoonafa maa maqa maaqana qumbiqanoo maridanoo.

Rafudoo Akarafa 20:11

Dinni taikasee dinni ani moodaa marasee 6 faasaana qinee Yaaweesa innaaruna faqa maqa faqa ooruku nammari faqa minauqaki mari ainainausa faqa auqi qiafana. Dinni ani qaara marasee 7 faasaanasaa qinee qidooa qiafana. Minara qinee Yaaweesa Sabata faasaana afaaqooqa qimasee naaquqara faasaanee qidaqa.

Idi Ufa 104:31

Yaaweena areenarafa naaru naaru marida kai mariani. Narí auqu quqoo ainainausara asasiani.

Oosana 2:2

Dinni taikasee dinni oonu qaaraqanda marasee 7 faasaana Anutufa narí ainainirana taikanau.

Oosana 1:23

Miqi qimasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa moodaannai qisaukukinau.

Oosana 1:8

Anutufa mi kaqi saqanna auqureenoo innaarunee qinau. Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa inaaqianaa faasaana marinau.

Oosana 1:5

Rakeemma quqaseenoo qafamaseenoo Anutufa kaaqa qaranara faasaanee qinau, asukunara eendaki fee qinau. Miqi qimasoofanoo mikari indaaru oosana araseenoo eendirafa naaree anireenoo aiqaroofanoo iaqarafa aniroofanoo mifa mi iaqarafa faqa mi eendirafa faqa indaaruqaa faasaana marinau.

Oosana 1:19

Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa qaara faqa qaara faqaikinau.

Oosana 1:13

Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa qaaramookinau.

1 Timooti 4:5

Anutuna ufa faqa maasa innaaru qirana faqa mi naranna anukamasainanoo amiqinoo mariannoo, Anutufa amiqiranee qiannoo.

Rafudoo Akarafa 31:17

Mi faasaanafa inni Isaraee maqannaa faqa qini faqa naaru naaru aqoondikirana koorooi mari faasaanafa mariannoo. Qinee Yaaweesa dinni taikasee dinni ani moodaa marasee 6 faasaanasaa maqa faqa innaaruna faqa auqusee dinni ani qaara marasee 7 faasaana ainainirana quqasee idooaafannanara mi faasaanafa idooara faasaana mariannoo.

Idi Ufa 104:28

Anee Yaaweefa misa narana nimianaqa mara naidaqa. Anee nimianaqa naafanoo nimuaqu idanoo.

Idi Ufa 119:68

Anee kaaqa andeeqarafa mariannanara aiqama ainaina imarianna ainainafa faqa kaaqa andeeqarafa mariananoo. Aneenna naamuaqira ufa daamua qia.

Aaquqira Ufa 16:4

Yaaweefa aiqama ainaina auqufa taikeefandinnanara iridanoo. Manda oosana maree mariasa inaaqianna kuqiranaki taikee fandinnanara faqa iridanoo.

Oosana 2:3

Dinni taikasee dinni oonu qaaraqanda 7 faasaanara Anutufa afaaqooqa qimasee, aaduma naaquqara faasaanee qinau. Narí kadaapirirana mi faasaanna taikoonara mi faasaannara naaquqara faasaanee qimasee idooanau.