Oosana 1:3 - Anutuna Ufa

³ Mi faasaanna Anutufa qinau, kaaqa qaranara mariannee qufanoo kaaqa qarafa kambiqanau.

Oosana 1:3 Referans Kwoze

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

Yoohanee 1:5

Mi aurau rirafa asukunaki qaidanoo. Mi aurau rira qoomana asukuna fannoo sia amana qumaree rafaaqa fuannoo.

1 Yoohanee 1:5

Anutuna amaaku ufa moo maasa qimaqimufaqa maasa mina akooroomasee inni qimannimidaqa. Mi ufana maaqi qinoo Anutufa kaaqa qarafa qoomara foora sia kaqikaa asukuna marifa maridanoo. Mi ufana qimaqiminau. Maasa qeeqara Anutuna faqa aqoondi fee qimasee quandaki asukunaki keeqafidaqa maasa ufa faqa marirana faqa unna qidaqa, sia anoonamau fidaqa.

Eefeesusa 5:8

Ooqai innee Eefeesusa maqusanaasa faqa asukunaki mariusa mariafanoo doo maqee karaambaiqa Anutuna faiqí anaasee aiku asauku kamambi mariafanoo kaaqa qarana fooqaasa mariafanoo, doo minara iriseeqa kaaqa qaranaki mariasara foora ida mariaqa.

Yoohanee 1:9

Anutuna ufa fannoo Yisufa anoona aurau rirafa marinau. Mi aurau rirafa faiqí aiqamausa naunduraki qeemarufa maridanoo maqasaa faiqi aanaaqi kammafinoo maa maqa maaqanaki quminau.

Yoohanee 3:19

Anutuna narira oosana maaqimminoo maridanoo. Anutuna kaaqa qara qoomara foora Yisufa maa maqanasaa doo ani maridanoo. Faiqí nári oosana mandainaina maree marifanoo minara irinoo kaaqa qara qoomara Yisunara akooqaifanoo asukunara ridanoo.

Idi Ufa 33:6

Yaaweefa ufannai qufanoo innaaruna kambiqanau. Narí ookinaa aidoonnai qufanoo suani faqa quqoona faqa fasau faqa kambiqanau.

Idi Ufa 148:5

Misa aiqamausa Yaaweena amooqiaqanani. Mifa qufaqa misa kambiqaqau.

Idi Ufa 97:11

Kaaqa qarafa andeeqarausasaa kaaqa qaidanoo. Andeeqara marirana faqaasaki asasirafa maridanoo.

Idi Ufa 33:9

Yaaweefa qufanoo maa maqa maaqafa kambiqanau. Mifa afeeka ufa qufanoo aiqama ainaina kambiqanau.

1 Yoohanee 2:8

Maa fuka ufafa ooqeenaanasaa ootupamasee inni qimannimidaqa akara ridaqa. Maa fuka ufana anoona asauku mundiranaki kooroo inoo maridanoo inniki faqa koorooma nimaqaidanoo, doo asukuna afaqaidanoo fuka kaaqa qarafa qoomara foora inni qambaanai qaidanoo.

Eefeesusa 5:14

Aiqama ainaina asukunakinaana mareeqe kaaqa qara qoo aiqamausa nifusaa quqasaifanoo mi ainainausa faqa kaaqa qaranaikiannoo. Minara maasa idi moo maaqi qinoo maridanoo. Anee faiqee marianafa findi fua. Kuqiranakiqari findi finanoo asauku mundirafa suaniara foora anisaa qaani.

Idi Ufa 104:2

Yaaweefa anee kaaqa qarana qumaree qamunnara foora afisi marianafa mariananoo. Kafaa anee innaaruna qumareeseera maaqara foora usakaananoo.

1 Timooti 6:16

Anutufa mifa kai sia faiqí undee irafa aaduma marifa, mifa kai sia faiqí amana qafaaqaaira kaaqa qaranaki marifa, sia moo fannoo mina qafaida sia moo fannoo amana qafaannoo. Mina auqu uqeerarana faqa naaru naaru afeeka marirana faqa minaindi kai maridanoo. Kuqaa.

Idi Ufa 118:27

Yaaweefa mifa Anutufa maridanoo. Mifa maasa amiqimma qisee marinau. Innee aiqamausa suqufiqa saqari amanee raudasee uqirausa asasammamaree amaana maqaki keeqafi aidara fiqu fiqu iaqa.

Yoohanee 11:43

Yisufa miqi qimaseenoo innaaru qimaseenoo firaa kari kuqirana aareenoo qinau. Rasarusa minakiqari rauda.

Mataioo 8:3

Yisufa mi ufanara iriseenoo narí asauku minasaa munduseenoo asasammasee qinau. Eeoo doo qiananoo amana qiqa irirafa eedoo qidanoo rukammaisaanaura. Miqi qimasoofanoo miqoo kai mina karoora taikanau.

Oosana 2:4

Miqimmaseenoo Anutufa innaaruna faqa maqa faqa auqinau.