Oosana 1:28 - Anutuna Ufa

²⁸ Auquseenoo Anutufa nifaaqooqa qinoo qinau. Inniqara asumu moomoo kambiqeeqa maa maqa maaqanaki qumbiqafiqa rakisiaqa. Qinee inniqara mareeqee ooruku nammariki noodaanna faqa ufiniuqa faqa aiqama kaasau aandauqa rakisirausaika mannimaqaanaura.

Oosana 1:28 Referans Kwoze

Oosana 9:1

Anutufa Nooana narí faiqi namu faqa nifaaqooqa qinoo qinau. Inni asumu moomoo kambiqafi aiqama maqa maaqa amana kai mariaqa.

Oosana 9:7

Innee moomoo faiqi maqasaifaqa aiqama maqa maaqaki amanaikammafi mariaqa.

Oosana 1:22

Miqi qimaseenoo Anutufa narí afaaqooqa qimannimaqeenoo qinau. Inni asumu moomoo kambiqafiqa ooruku nammarki qumbiqaqa mariaqa. Mifa ufiniuqara faqa moomoo kambiqafi mariaqee qinau.

Oosana 17:20

Isamaeerana faqa anee qianandee, mina faqa amiqi amiqi ianaura. Mina faiqi namu moomoo uqanna kambiqeefara. Akoonaiqiuqa qisauku qara taikasee qikunni ooqu qaaraqanda 12 marasee uriqararausa marifara. Mina saaqari kambiqainausa firaa maqannaa marifaranoo.

Oosana 8:17

Aiqama ufiniuqa faqa aandauqa faqa nifiqee raudaaqa. Raudamafiqa maqa maaqaki daraaniqa asumu moomoo kambiaaqa.

Idi Ufa 107:38

Yaaweefa mi fasiqa anaaseesa narí aiku asauku amiqi amiqimma nimaqoofaqa misa miqoo moomoo kambiqeeqa aramaree fimariqau. Misa firinee maru aandausa mifa dadaaqufanoo sia oodaa mariqau. Misa faqa moomoo kambiqeeqa aramaree fimariqau.

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Oosana 17:16

Qinee Saraqa nammarina amiqi amiqi maisaananoo faiqi akoonaiqi ani maqa amiannoo. Mifa moomoo maqannaasa ninoofa marinaqa mina faiqi namukiqari akaqausa karaambaiqauqa marifaranoo.

Oosana 49:25

Ani akoona Anutufa ani dadaaqiannoo. Aiqama afeeka faqaa Anutufa ani amiqi amiqiani. Innaarunaindaraa aakunnoo ani amiqi amiqimma amaqaannoo. Maqakiqari ururainna nammarifa ani amiqi amiqirana amiani. Ani burimakau aandau faqa faiqi aanaaqiuqa faqa amiqi amiqimma nimaqaani.

Oosana 33:5

Qiki raqaseenoo Eesaufa quanda fufanoo Yakooboona faiqi anaasee nindafamaseenoo qinau. Maa ani faqa aniasa yausee maridee. Qufanoo Yakooboofa qinau. Oo uriqararafa maa faiqi anaaseesannoo Anutufa qini amiqi amiqimma qimaqeenoo.

Oosana 24:60

Reebeeka nammarifa firarufaqa maa ufanannoo mina afaaqooqa qiqau. Oo maasa qisooki anikiqari aruakinausa moomoo uqanna firaaqoo uqanna kambiqeefara ani aiku asauku marinausa namuqaa nárí nifaqaaqa mandaida misa maqa maaqa namu faqa misa ainaina faqa maree marifaranoo.

Idi Ufa 69:34

Innaarunai mariasa faqa maqasaa mariasa faqa ooruku nammariki nimaria ainainausa faqa Yaaweena amooqiaqa.

1 Timooti 4:3

Miqi maria fasiqausa unna qimasee anaasee mararanara mandoosanee qimasee akaqa naranara manda narana sia naaqee qifaranoo. Anutufa mi oosana oosana narannara faiqí anaasee naaqeera auqu quqaqoofa maridanoo. Mina ufa irimariasa mina anoona irimariasa dufi dufi qimasee naaqeera quqaqoofa.

Oosana 5:2

Naumoo faqaa qanda auquseenoo nifaaqooqa qima nimaqaseenoo faiqí anaasee fee qimasee nuqu ranau.

Idi Ufa 8:6

Anee faiqiara aiqama anee auquqoonna ainainausasaa rakisiaqee qimasee qinau. Anee aiqama ainaina auquqoonnana uriqararausa mariaqeera quqanau.

Oosana 6:1

Mi fasannai faiqí anaasee moomoo kamambufaqa maqa maaqa itita fiqa maridaqa misa maanaaqauqa moomoo maqaqau.

Idi Ufa 8:7

Sipsipauqasaa faqa burimmakauqasaa faqa kaasau aandausaa faqa rakisiaqeera quqanau.

Idi Ufa 115:16

Innaaruna Yaaweenaindi kai maridanoo. Maa maaqana Yaaweefa faiqí faiqnimufa maridanoo.