Oosana 1:27 - Anutuna Ufa

²⁷ Miqi qimaseenoo Anutufa faiqí narí fooqaa irana kai auqinau. Faiqí faqa anaasee faqa naumoo faqaa qanda auqinau.

Oosana 1:27 Referans Kwoze

Mataioo 19:4

Yisufa iriseenoo qinau. Sia fee innee Mooseena akara asaanaridee. Oosana arooqooqari Anutufa oosana araseenoo misa auqinau. Faiqí faqa anaasee faqa oosanaraseenoo auqinau. Sia fee innee mi akaranara iridee.

Eefeesusa 2:10

Anutufa maasa auqufa maridanoo sia fifau maasa auqinau, maasa asauku mundirana Yisunasaa atooqaranasaaqari andeeqasee nirana marirana mariaqee qimasee maasa auqinau. Doo ooqai mi andeeqara nirana marirana maasara deedaqammaqoofa maridanoo.

Mareekoo 10:6

Ooqai indaaru Anutufa aiqama ainaina auqu quqaqoo aukuana sia miqinoo marinau. Miqoo akee faqaana faqa afaamu faqaana faqa auqu quqanau, miqi maqoonara kai faiqí aiqama narí anoofa akoona minniseenoo narí aanaaqasaa atooqafinanoo moodaafaikamambi marifaranoo minara sia kafaa misa qaaraikamambi marifaranoo moodaafaikamambi marifaranoo.

Eefeesusa 4:24

Inni innaarunaindaraa fuka marirafa Anutuna narí miqirafa maridanoo, mina anoona ufaki andeeqasee marirana faqa Anutuna ufa ameemaanai marirana faqa mina amooqirana faqa mi fuka marirafa anoona maridanoo, innee mi marirana kai qamunnara foora afisusee minaki maraqa nuaqa.

Idi Ufa 139:14

Aniara rufiee mariafa mariannanara ani amooqidaqa. Anee aiqama ainaina auqee marianafa mookira ainaina naaquqara ainaina auqee marianafa mariananoo. Qinee minara qeeqa aiqama qimuqusannoo iridaqa.

Kooroosee 1:15

Anutufa kukeeqarafa marifanoo asauku mundirafa mina amaaku mina amammana ususeenoo maridanoo narí akoona oori afiri marasee mina nirana mina marirana mina maraquna maasaki doo andeeqasee narí akoonara kooroo idanoo. Mi asauku mundirafa aiqama ainaina Anutufa auquqoona urinaaqararafa maridanoo.

Oosana 2:18

Mi fasannai karaambaiqa Anutufa mi fasiqanara qinau, maa fasiqafa naríaraa marifanoo siamma andeeqaidanoo. Qinee mina aqoonnana auqusaananoo mina dadaaqiannoo.

Kooroosee 1:26

Anutuna ufa kukeeqara ufa maaqi qinoo maridanoo. Anutuna asauku mundirafa Yisufa inni faiqí faiqi naundurai maridanoo. Mina oosana maaqimminoo maridanoo kasooqaqee innee faqa innaarunai ooruree Anutuna ainaina adiafaa ira ainaina mina uriqararana afaaqa areenarana kaaqa qarana mareefaranoo. Anutuna kukeeqara ufa doo miqinoo maridanoo. Mifa mi ufanara maaqi qinoo. Maa qini amiqira kukeeqara ufa uriqarara kukeeqara ufa aiqama maqannaasa iriaqeera qini qiku qisauku mariasa kooroomannisaanauree qinoo. Anutuna asauku mundirafa faiqí faiqi naundurai mariranara faqa innaarunai mina faqa ooru mariranara faqa mi ufaqandara ooqaindari kukeeqeeuna maqee kamuqoo doo kooroomasee narí aiku asauku qimanniminoo.

Kooroosee 3:10

Mi manda irirausa ooqeenaa irirana marirana afaimma quqasee fuka andeeqara marirana marasee qammunnara foora afisuaqa. Mi fuka marirana Anutufa auqusee nimuna Anutufa kaifaa aiqama kari fukara foora kai mannimidanoo. Miqinanoo maasa marirafa mina amanaikinaqa maasa minara amiqimasee iriaqeera miqidanoo.

Oosana 9:6

Anutufa faiqí faiqi narí fooqaasa auquqoonara yafee moona auqu qimasee kuqa arinnana akaqausa mina akiiqara narí arifaranoo.

Oosana 2:7

Mikari karaambaiqa Anutufa maqa qumareenoo faiqí minannoo auqinau. Auquseenoo marirana nimi maru aidoona aikaamarai fuaqasoofanoo mi fasiqafa kasirana maranau.