Oosana 1:21 - Anutuna Ufa

²¹ Miqi qimaseenoo Anutufa ooruku nammariki maria firaa aandausa faqa oosana oosana ainaina faqa auqu quqanau. Ufiniuqa oosana oosana faqa auqu quqanau. Auqu quqaseenoo aiquqummaseenoo amiqimmiifoo qimasee asasinau.

Oosana 1:21 Referans Kwoze

Oosana 1:25

Miqimmaseenoo Anutufa mi aiqama ainainausa auqu quqaseenoo amiqimmafinoo qimaseenoo asasinau.

Oosana 8:19

Aiqama aandauqa faqa ufiniuqa faqa narí oosana narí oosana kai moodaanaki suqufufaqa raudamaki daraaniqau.

Oosana 8:17

Aiqama ufiniuqa faqa aandauqa faqa nifiqee raudaaqa. Raudamafiqa maqa maaqaki daraaniqa asumu moomoo kambiaaqa.

Rafudoo Akarafa 8:3

Niru nammariki faqa eeqamoosa kai qumbiaqa marifaranoo miqooqari anee kooti marianna firaa maaqanaki faqa keeqeefaranoo. Anee faiqee mariannanaki faqa keeqeefara. Ani qaari qamunnasaa faqa qumbiqeefaranoo. Ani faiqí firaasa faqa ani maqannaasa faqa misa oonidaki faqa afeeki faqa qumbiqeefara.

Oosana 9:7

Innee moomoo faiqi maqasaifaqa aiqama maqa maaqaki amanaikammafi mariaqa.

Oosana 7:14

Kaasau aandau oosana oosana faqa maaqeena aandau oosana oosana faqa ufini oosana oosana faqa firaa aandauqa faqa kaqikaa aandauqa faqa Nooana aiku asauku faqa sipaki keeqaqau.

Oosana 6:20

Oosana oosana ufini faqa qaara kai qaara kai mara quqasainaqa ani faqa asumu mariaqa.

Oosana 1:31

Doo Anutufa narí auqu quqasoo aiqama ainainauqa qafamaseenoo firaaqoo asasinau. Miqimmaseenoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa moodaannai qisauku taikasee dinni moodaa marasee 6 faasaanaikinau.

Oosana 1:18

Eendaki faqa faasaana faqa rakisidanoo asukuna faqa kaaqa qarana faqa rainaanifeera quqanau. Anutufa quqaseenoo aiquqummaseenoo doo amiqimmafinoo fee qimasee asasinau.

Mataioo 12:40

Yoonaafa firaa noodaanna aranandaki qaaramoo faasaana faqa eendaki faqa marinau. Miqi kai iqa qinee faiqí nimaaku qaaramoo faasaana faqa qaaramoo eendaki faqa maqa aundurai madikaki marianaura.

Oosana 1:20

Anutufa kaifaa qinau. Aiqama nammariki maria ainainausa oosana oosana kambiqaani, maqa mirinni kaqi saqanna oosana oosana ufinuqa qumbiqaqa maridaqa qaqaqa nuaqa.

Oosana 1:22

Miqi qimaseenoo Anutufa narí afaaqooqa qimannimaqeenoo qinau. Inni asumu moomoo kambiqafiqa ooruku nammarki qumbiqaqa mariaqa. Mifa ufiniuqara faqa moomoo kambiqafi mariaqee qinau.

Oosana 9:2

Aiqama aandauqa faqa ufiniuqa faqa noodaanna faqa inniara rufiaranaki mariaqa. Misa inni afeeka ameemaanai mariaqa.

Idi Ufa 148:7

Maqasaaqaraa ainainauqa faqa ooruku nammariki maria firaa aandausa faqa nammari ameemaanai mariasa faqa aakuasaa faqa pupusamu faqa qaisa faqa oonnamu faqa afeeka ufai Yaaweena naakapara ufa mau fimari ufaifa faqa innee aiqamausa Yaaweena amooqiaqa.

Oosana 2:19

Anutufa maqa qumareenoo minannai aiqama aandau faqa ufiniuqa faqa auqinau. Auquseenoo aiqama naarammeeqeenoo faiqí maruqoo nuquraanifeera quqasoofanoo nana ainainee auquroofa doo mi nuquna faqaasa mariqau.