Oosana 1:14 - Anutuna Ufa

¹⁴ Anutufa kaifaa qinau. Innaarunai qooma oosana oosana kambiqafinana, suani faqa quqoona faqa fasau faqa iaqarana faqa asukuna faqa rainaanifeera qinau, iaqarafa faqa aukuana faqa amaana suqirana oosana areemariana uqannifiqaani fee qinau.

Oosana 1:14 Referans Kwoze

Idi Ufa 148:3

Innee suani faqa quqoona faqa aiqama fasau firaaqoo kaaqa qeemariasa faqa aiqama mina amooqiaqa.

Idi Ufa 148:6

Mina ufannoo misa kambiqafi nariqa mariaqoo naaru naaru maridaqa sia amana Yaaweena ufa rukieefaranoo.

Idi Ufa 81:3

Fuka quqoona anirainaqa sipsipa aanainnoo ufireena fuaqaaqa. Kafaa mi quqoonafa rufatee fatinaqa oomaqa sakasee naida ukeena fuaqaaqa.

Oosana 8:22

Anutufa minara maaqi qimasee qinau. Maa maqafa kaqi marinaqa qummaqira aukuana faqa narana nara aukuana faqa suara faqa aiqaiqa faqa aaku aukuana faqa suani aukuana faqa faasaana faqa eendaki faqa sia taika nimaqaanaura, kaqi marifaranoo.

Mataioo 24:29

Nimoosau maasau ira aukuana mi aukuanna taikasainanoo suani qimbafinanoo asukuna aruannoo. Quqoona faqa asukuna aruamaqaannoo. Fasau aiqama innaarunaindari kakasammifaranoo. Fasau faqa quqoona faqa maruqoo ooqeenaa marirafa rapikamafuannoo.

Uqafiqoo Ufafa 6:12

Miqi qimasoofanoo sipsipa aanaaqi mi papiqana rumbarana moo sanda idukinau. Idukusoofanoo maqa firaaqoo uqanna kasinoo suani afu arusoofanoo runduqarira qamunnaikinoo marinau. Quqoona faqa aiqama taatuqee arinoo fidikandandinau.

Mataioo 2:2

Inni Yuda maqannaa karaambaiqai kianinafa kambiqaina, yamaqusanaki fee maridanoo fee maasa qeeqa maqusai nianai maridaqa narí karaambaiqa maqooqoo fasau irafufaqa qafamaseeqa mi faiqinara dufi dufi qimamaqarara anidaqa.

Oosana 9:13

Qinee qeeqa oondanda oonnamuki quqaanaura. Mifa qinee maa maqanasaaqaraasa faqa moodaanaki kirana uqannifiqaannoo.

Uqafiqoo Ufafa 8:12

Qinee Yoohaneesa mina qafamasaafananoo inaaqianna qangiroo moo fannoo narí ukeena fuaqanau. Fuaqasoofanoo suani afu qaaramooki oosuseenoo moodaaki amannauna arinoo qaaraqandaki kaqi mariqau. Quqoona faqa fasau faqa moodaanaki amannauna arinoo qaaraqandaki kaqi qee marinau. Suani faasaanasaaqari dinni ati qeemarinau, dinni ati sia qeemarinau eendaki quqoona faqa miqi kai inau.

Ruka 23:45

Asukuna kaqi marufanoo Yeerusaree naaquqara amaana maqaki ititara qamunna firaafa qambaana narí kai anaqinau.

Mareekoo 13:24

Mi manda aupurara aukuannafa taikafinoo asukuna fannoo suani aruannoo aiqamai asukuna kai arufuannoo quqoona faqa sia kafaa kaaqa qaannoo fasauqa faqa inaarunaindari aiqama kapikeefaranoo. Innaarunai fasau faqa quqoona faqa nimari aanafa dapikammafuannoo.

Idi Ufa 119:91

Ani naamuaqira ufa marinara aiqama ainaina maqee kaqi maridanoo. Mi aiqama ainainausa ani ainainira faiqiara foora marianara maqee kaqi maridaqa.

Oosana 1:13

Miqimmasoofanoo eendirafa aiqaroofanoo iaqarafa aniroofanoo mi iaqarafa faqa mi eendirafa faqa qaaramookinau.

Oosana 1:15

Mi qoomausa innarunaindari maqasaa kaaqa qamannimaqaani qufanoo miqimminau.

Idi Ufa 150:1

Yaaweena amooqia. Anutuna naaquqara amaana maqaki mina amooqiaqa. Mina uriqarara afeeka innaaru nai marina amooqiaqa.